«قازاقتەلەكوم» اق «سامۇرىق-قازىنا» قورىنىڭ تاپسىرماسى اياسىندا 18 قىركۇيەكتە وتكەن كەزدەسۋ نارىقپەن ديالوگتى دامىتۋعا، ساتىپ الۋلاردىڭ اشىقتىعىن ارتتىرىپ، وتاندىق تاۋار وندىرۋشىلەردىڭ قاتىسۋىن كەڭەيتۋگە باعىتتالدى.
كەزدەسۋ بارىسىندا ساتىپ الۋ قىزمەتىنىڭ نەگىزگى كورسەتكىشتەرى ايتىلدى - 2024 جىلى جىلدىق ساتىپ الۋ جوسپارى 109،3 ملرد تەڭگەنى قۇرادى، ونىڭ 19،2% - ى وتاندىق تاۋار وندىرۋشىلەرگە تيەسىلى بولدى. 2025 جىلى بۇگىنگى جاعداي بويىنشا ساتىپ الۋ كولەمى 94،5 ملرد تەڭگەگە جەتتى، ال وتاندىق تاۋار وندىرۋشىلەردەن ساتىپ الۋ ۇلەسى ءقازىردىڭ ءوزىندە 26،4% قۇرايدى، جىل سوڭىنا دەيىن بۇل كورسەتكىش وسە تۇسپەك. جىل باسىنان بەرى 1،8 ملرد تەڭگە سوماسىنا 12 وفتەيك-كەلىسىمشارتقا قول قويىلدى.
«قازاقتەلەكوم» اق تاۋار جەتكىزۋشىكومپانيالارمەن ءوزارا ءىس-قيمىلدىڭ اشىق جانە كاسىبي جۇيەسىن قۇرادى: ونلاين - كونفەرەنسيالار، سالالىق كەزدەسۋلەر وتكىزەدى، وندىرۋشىلەر وداقتارىمەن مەموراندۋمدارعا قول قويادى، كاسىپورىندارعا شىعۋدى ۇيىمداستىرادى، بەيىندى جۇمىس توپتارىن قالىپتاستىرىپ، قازىرگى جانە بولاشاق سەرىكتەستەرمەناشىق ديالوگتى قولدايدى»، - دەپ اتاپ ءوتتى «قازاقتەلەكوم» اق باس اكىمشىلىك ديرەكتورى ەرجان مەيراموۆ.
قاتىسۋشىلار تىكەلەي ەفيردە – اۋىزشا، چات ارقىلى جانە قوڭىراۋ تۇرىندە بەلسەنە سۇراقتارىن قويدى. ناقتى جاۋاپ بەرىلىپ، قىزۋ پىكىرتالاس، اشىق اڭگىمە ءوربىدى. بۇل كومپانيانىڭ وتاندىق تاۋار وندىرۋشىلەرمەن تۇراقتى سەرىكتەس بولۋعا بەت العانىن كورسەتەدى.
«قازاقتەلەكوم» اق-نىڭ تۇجىرىمداماسى سەرىكتەستىك، سەنىم جانە يننوۆاسيالىق ءتاسىل نەگىزىندە بىرلەسكەن كۇش-جىگەر ارقىلى عانا ءبىز قويىلعان مىندەتتەردى ءتيىمدى ىسكە اسىرا الامىز. بۇگىن سىزدەرمەن ديالوگىمىز – جەمىستى ىنتىماقتاستىعىمىزدى نىعايتۋعا جاسالعان كەزەكتى قادام»، – دەپ اتاپ ءوتتى«قازاقتەلەكوم» اق «تەلەكوم كومپلەكت»ديرەكسياسىنىڭ باس ديرەكتورى مۇرات سارسەكەيەۆ.
كومپانيا مۇنداي كەزدەسۋلەر نارىقپەن تۇراقتى قارىم-قاتىناس ورناتۋعا باعىتتالعان تۇراقتى جۇيەلى جۇمىستىڭ ءبىر بولىگى ەكەنىن اتاپ كورسەتەدى. بۇل دامۋ ۆەكتورى بولاشاقتا دا ساقتالادى.
