«Қазақтелеком» АҚ «Самұрық-Қазына» Қорының тапсырмасы аясында 18 қыркүйекте өткен кездесу нарықпен диалогты дамытуға, сатып алулардың ашықтығын арттырып, отандық тауар өндірушілердің қатысуын кеңейтуге бағытталды.
Кездесу барысында сатып алу қызметінің негізгі көрсеткіштері айтылды - 2024 жылы жылдық сатып алу жоспары 109,3 млрд теңгені құрады, оның 19,2% - ы отандық тауар өндірушілерге тиесілі болды. 2025 жылы бүгінгі жағдай бойынша сатып алу көлемі 94,5 млрд теңгеге жетті, ал отандық тауар өндірушілерден сатып алу үлесі қазірдің өзінде 26,4% құрайды, жыл соңына дейін бұл көрсеткіш өсе түспек. Жыл басынан бері 1,8 млрд теңге сомасына 12 офтейк-келісімшартқа қол қойылды.
«Қазақтелеком» АҚ тауар жеткізушікомпаниялармен өзара іс-қимылдың ашық және кәсіби жүйесін құрады: онлайн - конференциялар, салалық кездесулер өткізеді, өндірушілер одақтарымен меморандумдарға қол қояды, кәсіпорындарға шығуды ұйымдастырады, бейінді жұмыс топтарын қалыптастырып, қазіргі және болашақ серіктестерменашық диалогты қолдайды», - деп атап өтті «Қазақтелеком» АҚ Бас әкімшілік директоры Ержан Мейрамов.
Қатысушылар тікелей эфирде – ауызша, чат арқылы және қоңырау түрінде белсене сұрақтарын қойды. Нақты жауап беріліп, қызу пікірталас, ашық әңгіме өрбіді. Бұл Компанияның отандық тауар өндірушілермен тұрақты серіктес болуға бет алғанын көрсетеді.
«Қазақтелеком» АҚ-ның тұжырымдамасы серіктестік, сенім және инновациялық тәсіл негізінде бірлескен күш-жігер арқылы ғана біз қойылған міндеттерді тиімді іске асыра аламыз. Бүгін сіздермен диалогымыз – жемісті ынтымақтастығымызды нығайтуға жасалған кезекті қадам», – деп атап өтті«Қазақтелеком» АҚ «Телеком комплект»дирекциясының Бас директоры Мұрат Сәрсекеев.
Компания мұндай кездесулер нарықпен тұрақты қарым-қатынас орнатуға бағытталған тұрақты жүйелі жұмыстың бір бөлігі екенін атап көрсетеді. Бұл даму векторы болашақта да сақталады.
