Air Astana ەۋە كومپانيياسى الماتى مەن استانادان دۋباي قالاسىنا ورىندالاتىن رەيستەردٸڭ توقتاتىلۋ مەرزٸمٸن 2026 جىلعى 30 قىركٷيەككە دەيٸن ۇزارتتى, دەپ حابارلايدى dalanews.kz.
كومپانييانىڭ مەلٸمەتٸنشە, مۇنداي شەشٸم پارسى شىعاناعى ٶڭٸرٸندەگٸ تۇراقسىز جاعدايدىڭ ساقتالۋىنا بايلانىستى قابىلدانعان. سونداي-اق قازان ايىنان باستاپ اتالعان باعىتتار بويىنشا ۇشۋ كەستەسٸنە ٶزگەرٸستەر ەنگٸزٸلٸپ, رەيستەر سانى قىسقارتىلادى.
ەۋە تاسىمالداۋشىسى توقتاتىلعان رەيستەردٸڭ جولاۋشىلارىنا بٸرنەشە بالاما ۇسىنىپ وتىر:
- 2026 جىلعى 20 قاراشاعا دەيٸنگٸ رەيستەرگە بروندالعان ساناتتى ساقتاي وتىرىپ, بيلەتتٸ تەگٸن قايتا رەسٸمدەۋ;
- ەۋە بيلەتٸ قۇنىن تولىق كٶلەمدە قايتارىپ الۋ;
- Air Astana كومپانيياسىنىڭ باسقا حالىقارالىق باعىتىنا بيلەتتٸ تەگٸن اۋىستىرۋ. ەگەر جاڭا باعىتتىڭ تاريفٸ قىمبات بولسا, جولاۋشى ايىرماشىلىق قۇنىن قوسىمشا تٶلەيدٸ.
كومپانييا جولاۋشىلارعا رەيستەر مەرتەبەسٸن الدىن الا تەكسەرٸپ, ساپارلارىن جوسپارلاۋ كەزٸندە ٶزگەرٸستەردٸ ەسكەرۋگە كەڭەس بەردٸ.
