Air Astana áýe kompaniiasy Almaty men Astanadan Dýbai qalasyna oryndalatyn reisterdiń toqtatylý merzimin 2026 jylǵy 30 qyrkúiekke deiin uzartty, dep habarlaidy dalanews.kz.
Kompaniianyń málimetinshe, mundai sheshim Parsy shyǵanaǵy óńirindegi turaqsyz jaǵdaidyń saqtalýyna bailanysty qabyldanǵan. Sondai-aq qazan aiynan bastap atalǵan baǵyttar boiynsha ushý kestesine ózgerister engizilip, reister sany qysqartylady.
Áýe tasymaldaýshysy toqtatylǵan reisterdiń jolaýshylaryna birneshe balama usynyp otyr:
- 2026 jylǵy 20 qarashaǵa deiingi reisterge brondalǵan sanatty saqtai otyryp, biletti tegin qaita rásimdeý;
- áýe bileti qunyn tolyq kólemde qaitaryp alý;
- Air Astana kompaniiasynyń basqa halyqaralyq baǵytyna biletti tegin aýystyrý. Eger jańa baǵyttyń tarifi qymbat bolsa, jolaýshy aiyrmashylyq qunyn qosymsha tóleidi.
Kompaniia jolaýshylarǵa reister mártebesin aldyn ala tekserip, saparlaryn josparlaý kezinde ózgeristerdi eskerýge keńes berdi.
