قازاقستان قور بيرجاسىندا (KASE) 2025 جىلعى 26 ناۋرىزدا ساعات 15:30-دا شەتەل ۆاليۋتالارى بويىنشا كۇندىزگى ساۋدا-ساتتىق توقتاتىلدى. ونىڭ قورىتىندىسى بويىنشا 1 اقش دوللارىنىڭ ورتاشا باعامى 501،81 تەڭگەنى قۇراپ، ءبىر تاۋلىكتە 0،20 تەڭگەگە ازداپ ارزاندادى، دەپ حابارلايدى Dalanews.kz.

مۇنايدىڭ الەمدىك نارىقتاعى باعاسى ءالى قۇبىلمالى: بىرەسە تومەندەپ، بىرەسە كوتەرىلەدى. بۇل جولى باعا كوتەرىلدى. تاعى دا "قارا التىن" باعامىنا اقش پرەزيدەنتى دونالد ترامپتىڭ شەشىمى اسەر ەتۋدە.

ICE Futures ەلەكتروندىق ساۋدا بيرجاسىندا Brent ماركالى مۇنايدىڭ ءساۋىر فيۋچەرستەرىنىڭ قۇنى 0،76%-عا قىمباتتاپ، 1 باررەلى 72،96 دوللاردى قۇرادى. 

NYMEX ەلەكتروندى ساۋدا بيرجاسىندا WTI ماركالى مۇناي  قۇنى 0،77%-عا ارزانداپ، 1 باررەلى 72،95 دوللار بولدى. 

تاڭەرتەڭ ۇلتتىق بانك بەكىتكەن 1 اقش دوللارىنىڭ رەسمي باعامى 502،83 تەڭگە بولعان ەدى.

ساراپشىلار 1 اقش دوللارىنىڭ قۇنى الداعى ءبىر اپتا بويىندا  503-505 تەڭگە ارالىعىندا تۇراقتايدى دەپ سانايدى. ويتكەنى ولار ۇلتتىق ۆاليۋتانىڭ جاقىن كۇندەرى نىعايۋىنا ىقپال ەتۋشى فاكتورلار بايقالمايتىنىن ايتادى.  

سونىمەن 26 ناۋرىزدا اقشا ايىرباس ورىندارىندا شەتەل ۆاليۋتالارى تومەندەگى باعامدار بويىنشا ساتىلۋدا:

استانا

• 1 اقش دوللارى: ساتۋ – 499،02 تەڭگە، ساتىپ الۋ – 505،1 تەڭگە.
• 1 ەۆرو: ساتۋ – 540،1 تەڭگە، ساتىپ الۋ – 547،1  تەڭگە.
• 1 رۋبل: ساتۋ – 5،72 تەڭگە، ساتىپ الۋ - 5،92 تەڭگە.

الماتى

• 1 اقش دوللارى: ساتۋ - 501،35 تەڭگە، ساتىپ الۋ – 503،57 تەڭگە.
• 1 ەۆرو: ساتۋ – 540،97 تەڭگە، ساتىپ الۋ – 546،60 تەڭگە.
• 1 رۋبل: ساتۋ – 5،76 تەڭگە، ساتىپ الۋ - 5،91 تەڭگە.

شىمكەنت

• 1 اقش دوللارى: ساتۋ – 501،40 تەڭگە، ساتىپ الۋ – 504،42 تەڭگە.
• 1 ەۆرو: ساتۋ – 542،18 تەڭگە، ساتىپ الۋ – 547،02 تەڭگە.
• 1 رۋبل: ساتۋ – 5،8 تەڭگە، ساتىپ الۋ - 5،86 تەڭگە.

ايتا كەتسەك، وسى ايدا تەڭگەگە شاققاندا امەريكالىق ۆاليۋتا باعامى 17 اقپاندا ەڭ تومەنگى شەگىن يگەرگەن ەدى. ول كەزدە 1 اقش دوللارى 495،28 تەڭگە بولدى. سونداي-اق بۇعان دەيىن قازاقستان قارجىگەرلەرى قاۋىمداستىعى 2025 جىلعى ءساۋىر ايىنا، سونداي-اق جىل سوڭىندا 1 اقش دوللارى قۇنىنا قاتىستى ءوز بولجامىن جاريالاعان بولاتىن.