الداعى ۋاقىتتا قازاقستاندا قانداس مارتەبەسىنە ۇمىتكەر بولعان ازاماتتارعا جاڭا تالاپ قويىلۋى مۇمكىن. ناقتىراق ايتساق، ءوز ۇلتىن راستايتىن قۇجاتتارى بولماسا، قان قۇرامىنا بايلانىستى ءتيىستى ساراپتاما جۇرگىزەتىن بولادى، دەپ حابارلايدى Dalanews.kz.
ەڭبەك جانە حالىقتى الەۋمەتتىك قورعاۋ مينيسترلىگىنىڭ كوشى-قون كوميتەتىنىڭ ءتوراعاسى اسقاربەك ەرسايەۆقا اكىمدىكتەر جانىنان قۇرىلعان كوميسسيا قانداستاردىڭ ۇلتى قالاي انىقتالاتىنى تۋرالى سۇرادى.
ەرسايەۆ ءوز كەزەگىندە بۇل ماسەلە بويىنشا ارنايى كوميسسيا ۇجىمى قۇرىلاتىنىن جەتكىزدى. ونىڭ ايتۋىنشا، مۇنداعى ساراپشىلار جەكە ازاماتتىڭ وتىنىشىنە بايلانىستى ءوز ۇلتىن دالەلدەي الماعان جاعدايدا ازاماتقا قانداس مارتەبەسىن الۋعا رۇقسات بەرۋگە بولا ما، جوق پا، سونى شەشەدى.
سونىمەن قاتار ول كوميسسيانىڭ قانداي فۋنكسيالارى بولاتىنى، اڭگىمەلەسۋدى قالاي جۇرگىزەتىنىن، "قانداس" مارتەبەسىنە ۇمىتكەر ازاماتقا قانداي سۇراقتار قويىلاتىنى تۋرالى دا ايتتى.
"وسى تۇستا ءبىز گەنومدىق ساراپتاما جۇرگىزۋدى قاراستىردىق. كوميسسيادا ازاماتقا قاتىستى كۇمان تۋىنداعان جاعدايدا، ءبىزدىڭ قاعيدالارىمىزبەن ول ادامدى قازاق ۇلتىنا قاتىسى بار-جوعى انىقتالاتىن ساراپتاماعا جىبەرۋ كوزدەلەدى" - دەيدى ەرسايەۆ.
فوتو: Sputnik
