دەپۋتاتتار كوميسسيياسى تىم جوعارى “ياندەكس.تاكسي” قىزمەتٸنە شاعىمدانىپ, تاريفٸن تٶمەندەتۋدٸ ۇسىندى, دەپ حابارلايدى Dalanews.kz.
"قازاقستان حالىق پارتيياسى" فراكتسيياسىنىڭ بەس مٷشەسٸ ۇلتتىق ەكونوميكا مينيسترٸ نۇرلان بايبازاروۆقا دەپۋتاتتىق ساۋال جولدادى. مەجٸلٸس دەپۋتاتتارى "ياندەكس.تاكسي" مەن قازاقستاندىق نارىقتا جۇمىس ٸستەيتٸن باسقا دا كومپانييالار ٷشٸن كوميسسييالىق مٶلشەرلەمەنٸ تٶمەندەتۋدٸ تالاپ ەتتٸ.
ولار سەرۆيستٸك كومپانييالاردىڭ قىزمەتتەرٸ ٷشٸن كوميسسييانى تاپسىرىستىڭ 5-7%-ىنا دەيٸن تٶمەندەتۋدٸ نەمەسە بٸر تاپسىرىس ٷشٸن بەلگٸلەنگەن تٶلەمدٸ 50 تەڭگەدەن 70 تەڭگەگە دەيٸن بەلگٸلەۋدٸ ۇسىندى. سونىمەن بٸرگە تاكسيدەگٸ پلاتفورمالىق جۇمىسقا قازاقستاندىق كومپانييالاردى قولدايتىن تەتٸكتەردٸ ەزٸرلەۋدٸ ۇسىندى.
قازاقستان تاكسي قىزمەتٸنٸڭ قۇنى بويىنشا ەلەمدٸك رەيتينگتە 73-شٸ ورىندا تۇر. 2024 جىلدىڭ ناۋرىز ايىنىڭ سوڭىندا قىزمەت قۇنى بٸر كيلومەترگە 0,67 دوللاردى قۇرادى. بۇل تمد ەلدەرٸ اراسىنداعى ەڭ جوعارى كٶرسەتكٸش.
دەپۋتاتتار “ياندەكس.تاكسيدٸ” ٸس جٷزٸندە "مونوپوليست" دەپ اتايدى. كومپانييانىڭ قازاقستاندا ٶركەندەپ, كەڭ ەتەك جايۋى نارىق جاعدايىن باقىلاۋعا جەنە وعان ىقپال ەتۋگە مٷمكٸندٸك بەرەدٸ.
ياندەكس.تاكسي كوميسسيياسى ايماققا جەنە تاريفكە بايلانىستى 11%-دان 17%-عا دەيٸن ٶسەدٸ, سونىمەن قاتار تاكسوپاركتەر ٷشٸن تاعى 4% كوميسسييا الادى. قازٸر قازاقستاندا 200 000 ادام “ياندەكس.تاكسيدە” جۇمىس ٸستەيدٸ. سونىڭ ٸشٸندە 50 000 ادام نەگٸزگٸ تابىس كٶزٸن وسى جەردەن تابادى. مەجٸلٸسمەندەر بۇل قىزمەتتە قوسىمشا تابىس تاۋىپ جٷرگەن ازاماتتاردىڭ جاعدايىن اقشا تاپشىلىعىمەن بايلانىستىردى.
ٶتكەن جىلدىڭ جەلتوقسان ايىندا "ياندەكس.تاكسي" جٷرگٸزۋشٸلەرٸنٸڭ ورتاشا جالاقىسى 493 000 تەڭگەنٸ قۇرادى. بٸراق بۇل سومادان جانارماي مەن جۋۋعا كەتەتٸن شىعىنداردى الىپ تاستاۋ كەرەك. سونىمەن قاتار اۆتوكٶلٸكتٸڭ تابيعي توزۋىن دا ەسكەرگەن جٶن. وسى جاعدايلارعا سەيكەس تاكسي جٷرگٸزۋشٸلەرٸنٸڭ جالاقىسى ايتارلىقتاي تٶمەندەيدٸ.
"بٸز ازاماتتارىمىزدىڭ تاكسي قىزمەتتەرٸ ٷشٸن جوعارى قاراجات تٶلەيتٸنٸن ەدٸلەتسٸز دەپ سانايمىز, ال جٷرگٸزۋشٸلەر بۇل سومانىڭ از عانا بٶلٸگٸن تازا تابىس رەتٸندە الادى", - دەپ تٷيٸندەدٸ دەپۋتاتتار.
قۇجاتقا قازاقستان حالىقتىق پارتيياسىنان مەجٸلٸسمەندەر كەنجەعۇل سەيٸتجان, يسلام سۇڭقار, يرينا سميرنوۆا, گاۋھار تاناشەۆا جەنە مەگاررام مەگارراموۆ قول قويدى.
