پارلامەنت دەپۋتاتتارى كەلىسىم قۇجاتىن 6 ماۋسىمدا الەۋمەتتىك ساياسات جونىندەگى كوميتەت جينالىسىندا تالقىلادى. دەنساۋلىق ساقتاۋ ءمينيسترىنىڭ ورىنباسارى ءنۇرييلا شەرييەۆانىڭ مالىمدەۋىنشە، ۆاكسينانى 2024 جىلعا ساتىپ الۋ كوزدەلگەن. ءقازىر قىرعىزستاندا ۆاكسينانىڭ 2،5 ملن دوزاسى بار، سولاردىڭ 1،5 ملن داناسىنىڭ جارامدىلىق مەرزىمى بيىل شىلدە ايىندا بىتەدى.
الايدا دەپۋتاتتار كەلىسىمگە قارسى شىقتى. ايبەك ماتكەريموۆ ۆاكسينا ساتىپ العانى ءۇشىن دەنساۋلىق ساقتاۋ ءمينيسترى الىمقادىر بەيشەنالييەۆ تەرگەۋ يزولياتورىندا وتىرعانىن ەسكە سالدى.
– وسىنشا ۆاكسينانىڭ مەرزىمى ءوتىپ جاتقاندا، نەسيەگە ۆاكسينا ساتىپ الۋدىڭ نە قاجەتى بار؟ نەسيەنى پايىزىمەن قايتارۋ كەرەك بولادى. سىزدەر قولىڭىزداعىنى پايدالانىپ ۇلگەرە الماي جاتسىزدار، – دەدى دەپۋتات جىلدىز سادىربايەۆا.
پارلامەنت دەپۋتاتتارى نەسيە كەلىسىمىن قاراۋدى كەلىسى جينالىسقا قالدىردى.
2 ماۋسىمدا دەنساۋلىق ساقتاۋ ءمينيسترى الىمقادىر بەيشەنالييەۆ پارا الدى دەگەن كۇدىكپەن ۇستالعانى ءمالىم بولدى.
قۇزىرلى ورگان مالىمەتىنشە، ەلدە ۆاكسينا بار بولا تۇرا، مينيستر 1،5 ملرد سومدى ۆاكسينا ساتىپ الۋعا اۋدارۋعا تاپسىرما بەرگەن، ءبىراق قاراجات وفشورداعى ايماققا تۇسكەن. باس پروكۋراتۋرا ءمينيستردىڭ ۇستىنەن بارلىعى جەتى قىلمىستىق ءىس قوزعالعانىن مالىمدەدى.
