ٷكٸمەت دەپۋتاتتاردىڭ مەديتسينا قىزمەتكەرلەرٸن قورعاۋعا باعىتتالعان تٷزەتۋلەرٸن ٷش رەت قابىلداۋدان باس تارتقان ادامنىڭ كٸم ەكەنٸن انىقتاپ جاتىر, دەپ حابارلايدى Dalanews.kz.
نەلٸكتەن دەپۋتاتتاردىڭ مەديتسينا قىزمەتكەرلەرٸن قورعاۋعا ارنالعان تٷزەتۋلەرٸن ٷش رەت قابىلداماي تاستاعانى قازٸر ٷكٸمەتتە انىقتالىپ جاتىر. بۇل تۋرالى پرەمەر-مينيستردٸڭ ورىنباسارى ەرمەك كٶشەرباەۆ مەلٸمدەدٸ.
22 شٸلدە كٷنٸ مەجٸلٸس دەپۋتاتى اسحات ايماعامبەتوۆ پارلامەنت دەپۋتاتتارى قىلمىستىق كودەكسكە مەديتسينا قىزمەتكەرلەرٸنە كٷش كٶرسەتۋ ٷشٸن جاۋاپكەرشٸلٸكتٸ كٷشەيتۋگە قاتىستى تٷزەتۋلەردٸ ٷش رەت ۇسىنعانىن, الايدا ٷكٸمەت ولاردى قولداماعانىن ايتقان بولاتىن.
كٶشەرباەۆتىڭ ايتۋىنشا, ول دەنساۋلىق ساقتاۋ مينيسترٸنە دەپۋتاتتاردان ٶتٸنٸشتەردٸڭ قاشان تٷسكەنٸن انىقتاپ بەرۋدٸ سۇراعان. الايدا ەزٸرگە جاۋاپ الماعان.
"كەشە (23 شٸلدە – اۆت.) جارييالانعان اقپاراتتى وقىعان بويدا مەن مينيسترگە قوڭىراۋ شالدىم. بۇل ٶتٸنٸشتەردٸڭ قاشان بولعانىن انىقتاپ بەرۋٸن سۇرادىم. اقپاننان باستاپ, ياعني مەن جۇمىسقا كٸرٸسكەن ۋاقىتتان بەرٸ ونداي ٶتٸنٸشتەر بولعان جوق. بٸراق بٸز اسحات ايماعامبەتوۆپەن بۇل مەسەلەنٸ كٶكتەمدە, وسىنداي بٸرنەشە شابۋىل ورىن العان كەزدە تالقىلاعان ەدٸك. بۇل تاقىرىپتا بٸزدە ەشقانداي قاراما-قايشىلىق نەمەسە كٶزقاراس ايىرماشىلىعى بولعان جوق. بٸز مۇنداي ادامدارعا قاتىستى ەڭ قاتاڭ شارالار قولدانۋ قاجەت دەگەنگە تولىق كەلٸستٸك", – دەدٸ ول ٷكٸمەتتەگٸ بريفينگتە.
كٶشەرباەۆتىڭ ايتۋىنشا, ٷكٸمەت "مۇنىڭ بەرٸن ٷنسٸز باقىلاپ وتىرعان جوق". سەۋٸردەن باستاپ ٷكٸمەت پارلامەنتپەن بٸرلەسٸپ, جازانى كٷشەيتۋدٸڭ ەرتٷرلٸ نۇسقالارىن قاراستىرعان.
قاراعاندى مەن قوستانايدا مەديتسينا قىزمەتكەرلەرٸنە شابۋىل جاسالعاننان كەيٸن قاسىم-جومارت توقاەۆ مەديتسينا قىزمەتكەرلەرٸنە جاسالعان شابۋىلدار ٷشٸن جازانى كٷشەيتۋدٸ تاپسىرعان. قازاقستان پرەمەر-مينيسترٸ ولجاس بەكتەنوۆ مەديتسينا قىزمەتكەرلەرٸن قورعاۋعا باعىتتالعان زاڭعا تٷزەتۋلەردٸ ەزٸرلەۋگە 10 كٷن ۋاقىت بەرگەن.
