“اۋىل” پارتيياسى فراكتسيياسىنىڭ مٷشەسٸ نيكولاي ارسيۋتين پرەمەر-مينيستردٸڭ ورىنباسارى – مەدەنيەت جەنە اقپارات مينيسترٸ ايدا بالاەۆاعا ۆولونتەرلٸك قىزمەتتٸ دامىتۋعا قاتىستى دەپۋتاتتىق ساۋال جولدادى, دەپ حابارلايدى Dalanews.kz.
دەپۋتاتتىڭ ايتۋىنشا, 2026 جىلعى 30 قاڭتاردا مەملەكەت باسشىسىنىڭ قاتىسۋىمەن ٶتكەن ۆولونتەرلەر فورۋمىندا “اۋىل جاستارى” قوزعالىسىنىڭ بەلسەندٸلەرٸمەن كەزدەسۋ بارىسىندا بٸرقاتار ٶزەكتٸ مەسەلەلەر كٶتەرٸلگەن. اتاپ ايتقاندا, جاستار ۆولونتەرلەردٸڭ ٶمٸرٸن ساقتاندىرۋ جەنە ولاردىڭ قىزمەتٸن ەڭبەك ٶتٸلٸنە ەسەپتەۋ مەسەلەسٸنە ەرەكشە نازار اۋدارعان.
ارسيۋتين ٶز سٶزٸندە ەلٸمٸزدە ۆولونتەرلٸك قوزعالىس قارقىندى دامىپ كەلە جاتقانىن اتاپ ٶتتٸ. ونىڭ مەلٸمەتٸنشە, 2020 جىلى قازاقستاندا شامامەن 50 مىڭ ۆولونتەر بولسا, بٷگٸندە ولاردىڭ سانى 300 مىڭعا جەتكەن. قازٸرگٸ تاڭدا 800-دەن استام ۇيىم ەلەۋمەتتٸك ماڭىزى بار جوبالاردى جٷزەگە اسىرىپ, ۇلتتىق جەنە 20 ٶڭٸرلٸك فرونت-وفيس جۇمىس ٸستەپ جاتىر.
“شىن مەنٸندە, بۇل – قوعام ٷشٸن ماڭىزدى ٸستەرگە ەرٸكتٸ تٷردە ٷلەس قوسىپ جٷرگەن ازاماتتاردىڭ ٷلكەن توبى, ولاردىڭ باسىم بٶلٸگٸ – جاستار. وسىعان بايلانىستى ۆولونتەرلٸك قىزمەتتٸ مويىنداۋ مەن قولداۋ مەملەكەتتٸك جاستار جەنە ەلەۋمەتتٸك ساياساتتىڭ ماڭىزدى باعىتى بولۋى تيٸس”, – دەدٸ دەپۋتات.
ونىڭ ايتۋىنشا, قازٸرگٸ تاڭدا ۆولونتەرلٸك قىزمەت 2016 جىلعى 30 جەلتوقساندا قابىلدانعان “ۆولونتەرلٸك قىزمەت تۋرالى” زاڭمەن رەتتەلەدٸ. الايدا بۇل زاڭ ۆولونتەرلٸكتٸ تەك ەلەۋمەتتٸك بەلسەندٸلٸك رەتٸندە قاراستىرىپ, ونى ەڭبەك قىزمەتٸنە تەڭەستٸرمەيدٸ. سونىڭ سالدارىنان ۆولونتەرلٸك قىزمەت ەڭبەك ٶتٸلٸنە كٸرمەيدٸ جەنە ەڭبەك نەمەسە ساقتاندىرۋ قۇقىقتارىن قالىپتاستىرمايدى.
دەپۋتات قولدانىستاعى زاڭنامادا تەك ۆولونتەرلٸك ساعاتتاردى ەسەپكە الۋ, بٸلٸم بەرۋ گرانتتارىنا تٷسۋ كەزٸندە ارتىقشىلىق بەرۋ جەنە مەملەكەتتٸك قىزمەتكە ورنالاسۋدا تەجٸريبەنٸ ەسكەرۋ سيياقتى ىنتالاندىرۋ تەتٸكتەرٸ قاراستىرىلعانىن ايتتى.
سونىمەن قاتار ونىڭ سٶزٸنشە, ۆولونتەرلەردٸ مٸندەتتٸ ساقتاندىرۋ مەسەلەسٸ دە زاڭمەن تولىق قامتىلماعان. قازٸرگٸ كەزدە مۇنداي ساقتاندىرۋ تەك ازاماتتىق-قۇقىقتىق كەلٸسٸمشارت اياسىندا عانا قاراستىرىلىپ, ەرٸكتٸ سيپاتتا جٷزەگە اسىرىلادى.
ارسيۋتين مەملەكەت باسشىسى قاسىم-جومارت توقاەۆتىڭ 2019 جىلى جاستار جىلىنىڭ جابىلۋىندا ۆولونتەرلٸك ساعاتتاردى ەڭبەك ٶتٸلٸنە ەسەپتەۋ قاجەتتٸگٸن اتاپ ٶتكەنٸن ەسكە سالدى. بۇل باعىتتاعى ۇسىنىستار 2020 جىلى بەكٸتٸلگەن ۆولونتەر جىلىنىڭ ٸس-شارالار جوسپارى اياسىندا دا قارالعان.
دەپۋتاتتىڭ پايىمىنشا, قازٸرگٸ تاڭدا جٷزەگە اسىرىلىپ جاتقان 2024–2026 جىلدارعا ارنالعان ۆولونتەرلٸكتٸ دامىتۋ جول كارتاسىندا زاڭنامانى جەتٸلدٸرۋ مەن ەسەپ جٷيەسٸن ەنگٸزۋ قاراستىرىلعانىمەن, ۆولونتەرلٸك قىزمەتتٸ ەڭبەك ٶتٸلٸنە ەنگٸزۋ نەمەسە قوسىمشا ەلەۋمەتتٸك كەپٸلدٸكتەر بەرۋ مەسەلەلەرٸ ناقتى كٶرٸنٸس تاپپاعان.
ول سونداي-اق بيىل اتالعان جول كارتاسىنىڭ اياقتالاتىنىن جەنە پرەزيدەنت تاپسىرماسىمەن 2030 جىلعا دەيٸنگٸ جاڭا باعدارلامالىق قۇجات ەزٸرلەنەتٸنٸن اتاپ ٶتتٸ.
حالىقارالىق تەجٸريبەگە توقتالعان دەپۋتات كٶپتەگەن ەلدەردە ۆولونتەرلٸك قىزمەت ەڭبەك ٶتٸلٸنە ەنگٸزٸلمەيتٸنٸن, بٸراق ەرٸكتٸلەردٸ ىنتالاندىرۋدىڭ تٷرلٸ تەتٸكتەرٸ قولدانىلاتىنىن ايتتى. مەسەلەن, چەحييادا ەرٸكتٸلەردٸ جازاتايىم وقيعالاردان ساقتاندىرۋ زاڭمەن بەكٸتٸلگەن.
وسىعان بايلانىستى نيكولاي ارسيۋتين ٷكٸمەتكە بٸرقاتار ۇسىنىس جولدادى.
“ۆولونتەرلٸك قىزمەتكە تۇراقتى تٷردە قاتىساتىن ازاماتتار ٷشٸن ەڭبەك ٶتٸلٸن ەسەپتەۋدە ۆولونتەرلٸك ساعاتتاردى ەسكەرەتٸن پيلوتتىق جوبانى ٸسكە قوسۋ ورىندى دەپ سانايمىز”, – دەدٸ ول.
سونىمەن قاتار دەپۋتات ٷكٸمەتكە ۆولونتەرلٸك ساعاتتاردى ەڭبەك ٶتٸلٸنە ەنگٸزۋدٸڭ پيلوتتىق مەحانيزمٸن قاراستىرۋدى; ۆولونتەرلەردٸ ساقتاندىرۋدى قوسا العاندا, قوسىمشا ەلەۋمەتتٸك قولداۋ شارالارىن ەنگٸزۋدٸ; ۆولونتەرلٸك قوزعالىستى ينستيتۋتسيونالدى دامىتۋ بويىنشا ناقتى ۇسىنىستار ەزٸرلەۋدٸ ۇسىندى.
