قاسىم-جومارت توقاەۆ بٸر پالاتالى جاڭا پارلامەنتتە پرەزيدەنت كۆوتاسى بولمايتىنىن مەلٸمدەدٸ, دەپ حابارلايدى Dalanews.kz.
بٷگٸن مەملەكەت باسشىسى اۋىل ەكٸمدەرٸنٸڭ ديالوگ-پلاتفورماسىندا سٶز سٶيلەدٸ.
"مەن بيىلعى جولداۋىمدا بٸر پالاتالى پارلامەنت قۇرۋ تۋرالى باستاما كٶتەردٸم. بۇل وسىعان دەيٸنگٸ ساياسي ٶزگەرٸستەردٸڭ زاڭدى جالعاسى دەۋگە بولادى. بٸز "كٷشتٸ پرەزيدەنت – ىقپالدى پارلامەنت – ەسەپ بەرەتٸن ٷكٸمەت" قاعيداتىن ورنىقتىرا تٷسەمٸز, ياعني ەلٸمٸز پرەزيدەنتتٸك رەسپۋبليكا بولىپ قالا بەرەدٸ. جاڭا باستاما قوعامدا قىزۋ تالقىلانىپ جاتىر. پارلامەنتتٸڭ قۇرىلىمىنا قاتىستى كٶپتەگەن ۇسىنىس كەلٸپ جاتىر. مىسالى, دەپۋتاتتاردىڭ سانى حالىق سانىنا سەيكەس, ياعني پروپورتسيونالدى بولۋعا تيٸس دەگەن ويلار ايتىلىپ جاتىر. مۇنداي ۇستانىممەن قارايتىن بولساق, ولاردىڭ سانى 200 ادامعا جەتەدٸ", - دەدٸ توقاەۆ.
قازٸر قوس پالاتادا 148 دەپۋتات بار.
"پارلامەنتتٸك رەفورما – ەكٸ پالاتانى جاي بٸرٸكتٸرە سالۋ دەگەن سٶز ەمەس. مەنٸڭشە, دەپۋتات سانىن تىم كٶبەيتۋدٸڭ قاجەتٸ جوق. كەرٸسٸنشە, وڭتايلاندىرۋ كەرەك, پارلامەنتتٸڭ جۇمىسىن جەتٸلدٸرۋ قاجەت. مىسالى, بٸر پالاتالى جاڭا پارلامەنتتە پرەزيدەنت كۆوتاسى بولمايدى. بارلىق دەپۋتاتتار بٸردەي تەرتٸپپەن سايلانۋى قاجەت. بۇل – الداعى پارلامەنتتٸك رەفورما اياسىندا جاسالاتىن اسا ماڭىزدى قادام. مۇنى جاقسى ۇعىنىپ, جۇرتشىلىققا كەڭٸنەن تٷسٸندٸرۋ قاجەت", - دەدٸ پرەزيدەنت.
