دەپۋتات بٸر جىلدا ٶزدەرٸنە 274 ملن تەڭگە كٶلەمٸندە سىياقى جازىپ العان باسشىلار تۋرالى ايتىپ, ولارعا شارا قولدانۋ قاجەت ەكەنٸن جەتكٸزدٸ. «سامۇرىق-قازىنا» ۇلتتىق ەل-اۋقات قورىنىڭ قىزمەتكەرلەرٸ حالىقتىڭ ەمەس, ٶزدەرٸنٸڭ ەل-اۋقاتىن ارتتىرۋعا ايانباي ەڭبەك ەتۋدە. «سامۇرىق-قازىنانىڭ» ەنشٸلەس «سامۇرىق-قازىنا بيزنەس سەرۆيس» كومپانيياسىنىڭ باسشىلىعى كەسٸپورىننىڭ تاپقان پايداسىنان ەكٸ ەسە كٶپ بونۋس العان», – دەدٸ دەپۋتات.
سايىروۆ كەسٸپورىن باسشىسى بٸر جىلدا 74,9 ملن تەڭگە, باسشىلىق 274 ملن تەڭگە بونۋس جازدىرىپ العان, بٸراق كەسٸپورىننىڭ تازا پايداسى 38,5 ملن تەڭگە عانا ەكەنٸن تٸلگە تيەك ەتتٸ.
«ٶز كەزەگٸندە, «سامۇرىق-قازىنا بيزنەس سەرۆيس» كومپانيياسىنىڭ ەنشٸلەس كەسٸپورنى سانالاتىن «كاز كلوۋد» كومپانيياسىنىڭ دا باسشىلىعى ٶزدەرٸنە كەلگەندە جومارتتىعىندا شەك جوق. بٸرٸنشٸدەن, تەڭ قۇرىلتايشى بولىپ تابىلاتىن «قازاقتەلەكوم» ٶزٸنٸڭ ٷلەسٸن جەكە سەرٸكتەستٸككە بەرٸپ جٸبەرگەن. «بۇل ٷلەس نەگە, قالاي بەرٸلدٸ, مەملەكەتكە زالال جوق پا?» – دەگەن سۇراقتار تۋىندايدى.
ەكٸنشٸدەن, وسى «كاز كلوۋد» كومانيياسىنىڭ مەنەدجمەنتٸ, كومپانييانىڭ تازا پايداسى 61 ملن تەڭگە بولا تۇرا, سىياقى رەتٸندە بٸر جىلدا 336 ملن تەڭگە العان», – دەپ مەلٸمدەدٸ ەرلان سايىروۆ.
دەپۋتاتتىڭ دەرەگٸنشە, «قازاقتەلەكوم» باسقارماسىنىڭ مٷشەلەرٸ جالپى 422 ملن تەڭگە پرەمييا العان. ەربٸر مٷشەسٸنە 105 ملن تەڭگەدەن كەلەدٸ. بٸزدٸڭ قاراپايىم حالقىمىز بٸر ٷزٸم نانعا جارىماي جٷرگەندە, بۇل نەتكەن اسقاندىق? «سامۇرىق-قازىنا» ۇلتتىق ەل-اۋقات قورىنىڭ قىزمەتكەرلەرٸ, ەنشٸلەس كەسٸپورىندارى ٶزدەرٸنٸڭ باسشىلارىنا بونۋس, سىياقى جازىپ الۋعا عانا قىزمەت ەتە مە?» دەگەن زاڭدى سۇراق تۋادى», – دەيدٸ دەپۋتات.
ول دەپۋتاتتىق ساۋالىنىڭ سوڭىندا مىنانداي ۇسىنىستاردى ايتتى:
«سامۇرىق-قازىنانىڭ» ٶز مەنەدجمەنتٸنە «اسىرا سٸلتەپ» پرەمييا جازۋ ساياساتىنىڭ زاڭعا سەيكەستٸگٸن انىقتاپ, بۇل اشكٶزدٸكتٸ توقتاتۋ;
«سامۇرىق-قازىنادا» قۇجىناعان ەنشٸلەس كەسٸپورىنداردىڭ قاجەتتٸگٸن انىقتاۋ;
«سامقرىق-قازىنانىڭ» قارجى ساياساتىنىڭ اشىقتىعىن قامتاماسىز ەتەتٸن تەتٸكتەر جاساۋ قاجەت.
