مەجٸلٸس دەپۋتاتى قازىبەك يسا Qazaq uni-نە بەرگەن سۇحباتىندا سايلاۋعا قاتىستى بىلىقتىڭ بەتٸن اشىپ, قازاقستان مۇنايدان تامشىداي عانا پايدا كٶرٸپ وتىرعانىن مەلٸمدەدٸ, - دەپ حابارلايدى Dalanews.kz.
دەپۋتات ەلٸ كٷنگە دەيٸن سايلاۋدا كٷمەندٸ نەرسە كٶپ ەكەنٸن جەتكٸزدٸ.
"2023 جىلى قاڭتار ايىندا سايلاۋ زاڭىنا ٶزگەرٸستەر ەنگٸزۋ تۋرالى دەپۋتاتتىق ساۋال جاسادىم. سول كەزدە دەپۋتاتتىق ساۋالىم تاراپ كەتتٸ. 2007 جىلى سايلاۋعا ٶزٸم قاتىستىم. ول - پارتييالىق تٸزٸممەن تٷسەتٸن پارلامەنت سايلاۋىنا ٷشٸنشٸ سايلاۋىمىز. ەشقانداي پارتييانى تٷسٸرگەن جوق, تەك "نۇر وتاندى" عانا تٷسٸردٸ. 2023 جىلى دەپۋتاتتىق ساۋال جاساعان كەزدە وسىنى ايتتىم. "نۇر وتانعا" 90 پايىز داۋىس بەردٸ دەگەنگە كٸم سەنەدٸ?" دەدٸم. نۇر وتاننىڭ ٶزٸ دە وعان سەنبەيدٸ. ٶيتكەنٸ 2007 جىلعى سايلاۋ كەزٸندە ٶزٸم باسىندا بولدىم. شاردارادا جٷردٸم. سەنٸڭ كٶزٸڭشە سايلاۋ كوميسسيياسىنىڭ قىزمەتكەرلەرٸ اقجولدىڭ داۋسىن ٶزگەرتٸپ جاتادى. ون ەسە كٸشٸرەيتٸپ.
2007 جىلى "ەلباسىعا ەلدٸڭ سەنٸمٸ بٸتكەن سايلاۋ" دەگەن ماقالا جازدىم. 2007 جىل - ەلباسى قاھارلى, قىلىشىنان قان تامىپ تۇرعان كەز. 24 تامىزدا شىقتى. ونىڭ ٸشٸندە "41 قييانات دەگەن" سٶز بار. قييانات نە? اقجولعا بٶلٸنگەن 70 پايىز داۋىس قايدا, نەگە جالعىز نۇر وتان ٶتتٸ? "پارلامەنتتە داۋىس بەرۋ وسىنداي بولسا, مۇنىڭ الدىندا ٶتكەن پرەزيدەنت سايلاۋىنا دا ەلدٸڭ كٷمەنٸ كٶپ قوي. قازٸرگٸ پرەزيدەنتٸمٸز كٸمنٸڭ ورنىندا وتىر" دەگەن سٶز بار, جاڭاعى 41-دٸڭ ٸشٸندە", - دەيدٸ ول.
سونىمەن قاتار, دەپۋتات "قازاق قاشان ٶز مۇنايىنان پايدا كٶرەدٸ?" دەگەن سۇراققا جاۋاپ بەردٸ.
"2013 جىلى شەتكە كەتكەن اقشانى قايتارۋ كەرەك" دەپ مەجٸلٸس دەپۋتاتى, اقجول پارتيياسىنىڭ تٶراعاسى ازات پەرۋاشەۆپەن بٸرگە شۆەيتساريياعا بارعانبىز. مۇنايعا كەلەيٸك. مۇناي مەسەلەسٸن دە تالايدان بەرٸ ايتىپ كەلە جاتىرمىز. مۇنايعا بايلانىستى ٶنٸمدٸ بٸرلەسٸپ بٶلٸسۋ دەگەن كەلٸسٸمشارت بار. وسىنداي كەلٸسٸمشارتتى دامىعان ەلدەر جاسامايدى. بٸز دە ونى قازٸر توقتاتقانبىز. بٸراق 1994 جىلى, 1997 جىلى وسىنداي زاڭ قابىلداپ, بٷكٸل مۇنايىمىز, گازىمىز سول كەلٸسٸمشارتپەن ەلٸ كەلە جاتىر. ينۆەستور كەلەدٸ شەتەلدەن, وعان ەشقانداي زييان تيمەيدٸ.
تابىستى بٶلٸسكەندە, مىسالى, قاشاعاننان بٸزگە تامشى تيٸپ وتىر. بٸزگە تيەتٸنٸ ەكٸ-اق پايىز ەكەن. سوندا مۇنايدىڭ مۇحيتىنان تامشى الىپ وتىرمىز", - دەيدٸ قازىبەك يسا.
