مەجٸلٸستەگٸ ٷكٸمەت ساعاتى بارىسىندا دەپۋتات جامبىل احمەتبەكوۆ قورعانىس جەنە اەروعارىش ٶنەركەسٸبٸ مينيسترلٸگٸ ٶكٸلٸنە ساۋال قويعان بولاتىن.
ٶز كەزەگٸندە اەروعارىش كوميتەتٸ تٶراعاسى ورىنباسارىنىڭ مٸندەتٸن اتقارۋشىسى باۋبەك ورالماعامبەتوۆ سۇراعىنا حات تٷرٸندە جاۋاپ بەرۋ ۇسىنىسىن ايتتى.
– مەن اەروعارىش كوميتەتٸ ٶكٸلٸمٸن. سوندىقتان دا دەپۋتاتتىڭ بەرگەن ساۋالىنا مينيسترلٸك اتىنان حات تٷرٸندە جاۋاپ بەرۋگە نيەتتٸمٸز, – دەدٸ ب. ورالماعامبەتوۆ.
وسى ورايدا مەجٸلٸسٸ تٶراعاسىنىڭ ورىنباسارى گٷلميرا يسيمباەۆا اتالعان مينيسترلٸك ٶكٸلدەرٸنە ەسكەرتۋٸن ايتتى.
– ٷكٸمەت ساعاتىنا قۇزىرەتتٸ ٶكٸل عانا شاقىرىلۋى تيٸستٸ ەدٸ. سٸز بٷگٸنگٸ تاقىرىپتىڭ مامانى ەمەسپٸن, ساۋال قۇزىرەتٸڭٸزگە كٸرمەيتٸنٸن ايتتىڭىز, سولاي ما? سوندىقتان باۋبەك جەتكەرگەنۇلى, سٸزدٸڭ ۋاقىتىڭىزدى المايىق. بۇل جەردە 2-3 ساعات پارلامەنتتە وتىرىپ كەتۋ ماقسات ەمەس. بٸزگە مۇنداي تاقىرىپ بويىنشا مٷددەلٸ, سۇراقتارعا جاۋاپ بەرە الاتىن, پٸكٸر ايتا الاتىن ماماندار قاجەت. ال سٸز نەگٸزگٸ جۇمىسىڭىزبەن اينالىسا بەرٸڭٸز, – دەدٸ گٷلميرا يسيمباەۆا اەروعارىش كوميتەتٸ ٶكٸلٸنە قاراتا ايتقان سٶزٸندە.
