ونىڭ سٶزٸنشە, ايتىپ كەلمەيتٸن اپات بولعان سوڭ, ونىڭ ٷستٸنە ادام شىعىنى قاۋپٸ بولعاندىقتان, ەركەز دايىن بولعان جٶن.
"الماتىلىقتار جەر سٸلكٸنٸسٸ تۋرالى حابارلاما المادى. تۇرعىندار باسىندا ەبٸگەرگە تٷستٸ. بويىن ٷرەي بيلەگەن حالىق جاپاتارماعاي سىرتقا ۇمتىلدى. تٸپتٸ كٶپقاباتتى ٷيلەردٸڭ تەرەزەسٸنەن سەكٸرۋگە دەيٸن باردى. كٶلٸكتەرٸمەن قالا سىرتىنا شىعىپ كەتپەك بولعانداردا ەسەپ جوق. ونىڭ سوڭى ۇزىنسونار كەپتەلٸسكە ۇلاستى. بۇل – ەلٸمٸزدٸڭ ەڭ ٷلكەن قالاسى, جان-جاقتى دامىعان, ينفراقۇرىلىمى مىقتى الماتىداعى جاعداي", - دەيدٸ دەپۋتات.
سونىمەن قاتار, باقىتجان بازاربەك الدا دا قاۋٸپ بولۋى مٷمكٸن ەكەنٸن ەسكەرتتٸ.
"ابىروي بولعاندا, عيماراتتار قۇلامادى, ادام شىعىنى جوق. دەسە دە, مۇنداي جاعدايدىڭ قايتالانباسىنا كٸم كەپٸل?! ەسٸرەسە, ەلٸمٸزدٸڭ تاۋلى ايماقتارىندا, جەراستى قازىنانى ٶندٸرٸپ جاتقان ٶندٸرٸستٸ ٶڭٸرلەردە زٸلزالا قاۋپٸ جوعارى. سوندىقتان, تٶتەنشە جاعداي مينيسترلٸگٸ مەن باسقا دا تيٸستٸ مەكەمەلەردٸڭ زٸلزالادان قورعانۋ بويىنشا جۇمىستارىن مۇقييات قايتا قاراعان جٶن.
فەيك اقپاراتتارعا سەنگٸش حالىقتى قورقىنىش بيلەدٸ. بارلىق جاعداي دا ٶتٸرٸك اقپارات تەز تاراپ كەتەتٸنٸ بار. ازاماتتار تەك رەسمي اقپاراتتى الا بٸلۋٸ قاجەت, ەربٸر تاراعان ماتەريالدى جان-جاقتى تەكسەرۋٸمٸز كەرەك. سول ٷشٸن بٸزدە اپاتقا دايىن بولاتىنداي مەدەنيەت قالىپتاسۋى تيٸس", - دەدٸ ول.
سۋرەت: باقىتجان بازاربەك/facebook.com
