الماتىنىڭ ورتالىعىندا سالىنىپ جاتقان 40 قاباتتى تۇرعىن ٷي كەشەنٸ قوعامدا قىزۋ تالقىلانىپ جاتىر. مەجٸلٸس دەپۋتاتى سەرگەي پونوماريوۆ بۇل قۇرىلىسقا قارسىلىق بٸلدٸرٸپ, جوبانى قالانىڭ تىنىسىن تارىلتاتىن شەشٸم دەپ اتادى,- دەپ حابارلايدى Dalanews.kz.
ەڭگٸمە سەيفۋللين داڭعىلى مەن تيميريازەۆ كٶشەسٸنٸڭ قيىلىسىندا تۇرعىزىلعالى جاتقان RAMS كومپانيياسىنىڭ جاڭا تۇرعىن ٷي كەشەنٸ جايىندا. جوبا بويىنشا بۇل اۋماقتا 40 قاباتتى بٸر مۇنارا مەن 10 قاباتتى تاعى بەس عيمارات بوي كٶتەرمەك.
دەپۋتاتتىڭ پٸكٸرٸنشە, قۇرىلىس قالا ينفراقۇرىلىمىنا وراسان زور اۋىرتپالىق تٷسٸرەدٸ. سەبەبٸ بۇل اۋدان ونسىز دا كٶلٸك كەپتەلٸسٸنە جيٸ ۇشىراپ, ەلەۋمەتتٸك نىسانداردىڭ تاپشىلىعىنان زارداپ شەگٸپ وتىر.
"مۇنداي قۇرىلىستىڭ, ەرينە, قالاعا تٷسٸرەر سالىق تٷرٸندە پايداسى بار, جۇمىس ورىندارى اشىلادى. بٸراق دەل وسى جەردە وسىنداي ٷلكەن كەشەن تۇرعىزۋدىڭ قاجەتٸ قانشا? بۇل ايماقتا ونسىز دا مەكتەپ, اۋرۋحانا جەتپەي جاتىر. حالىققا دەمالىس ورنى, ساياباقتار, ەلەۋمەتتٸك نىساندار كەرەك. ونىڭ ورنىنا قالانىڭ كٶلٸك ينفراقۇرىلىمىنا, ەلەكتر جەنە كەرٸز جٷيەلەرٸنە قوسىمشا اۋىرتپالىق تٷسٸرەتٸن تاعى بٸر الىپ كەشەن تۇرعىزىلماق", – دەيدٸ دەپۋتات.
پونوماريوۆتىڭ ايتۋىنشا, مۇنداي قۇرىلىس قالاداعى ازعانتاي توپتىڭ عانا مٷددەسٸن كٶزدەيدٸ, ال قاراپايىم تۇرعىندار ٷشٸن تەك قيىندىق ەكەلەدٸ.
سونداي-اق, دەپۋتات وسىعان دەيٸن RAMS كومپانيياسىنىڭ باسقا جوباسىندا ەلەۋمەتتٸك نىساندار – مەكتەپ پەن اۋرۋحانا تۇرعىزۋعا ۋەدە بەرگەنٸن ەسكە سالدى. بٸراق ۋەدە ەتٸلگەن نىساندار ەلٸ كٷنگە دەيٸن سالىنباعان, تەك تۇرعىن ٷيلەر عانا تاپسىرىلعان.
قازٸر RAMS-تىڭ بۇل جاڭا جوباسى مەملەكەتتٸك ساراپتامادان ٶتٸپ جاتىر. دەپۋتات سەرگەي پونوماريوۆ جوبانى قايتا قاراۋ كەرەكتٸگٸن ايتىپ, قالالىق بيلٸك ٶكٸلدەرٸنٸڭ الدىنا ناقتى سۇراقتار قوياتىنىن جەتكٸزدٸ.
