ق ر قارجى مينيسترلىگى مەملەكەتتىك كىرىستەر كوميتەتى (مكك) بانك شوتتارىنىڭ جاپپاي بۇعاتتالۋىنا قاتىستى تۇسىنىكتەمە بەردى، دەپ حابارلايدى Dalanews.kz.
قۇزىرلى ۆەدومستۆو 2024 جىلى قازاقستاندا جالپىعا بىردەي دەكلاراسيالاۋدىڭ ءۇشىنشى كەزەڭى اياقتالعانىن ەسكە سالادى. وسى باستاما شەڭبەرىندە بيزنەس وكىلدەرى — زاڭدى تۇلعالاردىڭ باسشىلارى، قۇرىلتايشىلارى مەن قاتىسۋشىلارى، سونداي-اق دارا كاسىپكەرلەر جانە ولاردىڭ جۇبايلارى 250.00 نىسانى بويىنشا "كىرۋ" دەكلاراسياسىن تاپسىرا وتىرىپ، قازاقستانداعى جانە شەتەلدەگى ءوز اكتيۆتەرىن دەكلاراسيالادى.
بۇدان بولەك، بۇرىن جالپىعا بىردەي دەكلاراسيالاۋ جۇيەسىنە كىرگەن ازاماتتار 270.00 نىساندى كىرىستەر مەن مۇلىك تۋرالى جىل سايىنعى دەكلاراسياسىن ۇسىندى.
"دەكلاراسيالاردى تاپسىرۋ مەرزىمى اعىمداعى جىلى 2024 جىلعى 1 قاڭتاردان 16 قىركۇيەككە دەيىن بەلگىلەندى، بۇل 8،5 ايدى قۇرادى. وسى ۋاقىت ىشىندە مەملەكەتتىك كىرىستەر ورگاندارى دەكلارانتتاردى بۇقارالىق اقپارات قۇرالدارى، سمس-حابارلامالار جانە باسقا دا تاسىلدەر ارقىلى دەكلاراسيالاردى تاپسىرۋ قاجەتتىلىگى تۋرالى بەلسەندى تۇردە حاباردار ەتتى. اقپاراتتىق قولداۋعا قاراماستان، كەيبىر سالىق تولەۋشىلەر بەلگىلەنگەن مەرزىمدە دەكلاراسيا تاپسىرعان جوق. مۇنداي جاعدايلاردا سالىق ورگاندارى بۇزۋشىلىقتاردى جويۋ ءۇشىن قوسىمشا 30 جۇمىس كۇنىن بەرە وتىرىپ، سالىق زاڭناماسىندا بەلگىلەنگەن مەرزىمدە جەكە تۇلعالارعا سالىق ەسەپتىلىگىن ۇسىنباۋ تۋرالى حابارلاما جىبەرەدى. وسىلايشا، ازاماتتارعا دەكلاراسيا تاپسىرۋ ءۇشىن 10 اي ۋاقىت بەرىلدى"، - دەيدى مكك.
ۆەدومستۆو مالىمەتىنشە، دەكلاراسيالار، ەگەر ولاردا سالىق ورگانىنىڭ كودى، سالىق كەزەڭى نەمەسە دەكلاراسيا جاسالعان كۇنى سياقتى نەگىزگى دەرەكتەر بولماسا نەمەسە دەكلاراسيا "وڭدەۋدەن باس تارتۋ" مارتەبەسىن العان بولسا، ۇسىنىلماعان بولىپ سانالادى. مۇنداي جاعدايلاردا سالىق تولەۋشىلەر دەكلاراسيانى وزگەرتۋ ادىسىمەن قايتارىپ الىپ، تۇزەتىلگەنىن بەرۋ ارقىلى بۇزۋشىلىقتى ءوز بەتىنشە جويا الادى.
"بانكتىك شوتتار بويىنشا شىعىس وپەراسيالارىن توقتاتا تۇرۋ تەك دارا كاسىپكەرلەرگە جانە جەكە پراكتيكامەن اينالىساتىن تۇلعالارعا عانا قاتىستى ەكەنىن اتاپ وتكەن ءجون (سالىق كودەكسىنىڭ 118-بابى). دەكلاراسيانى ۋاقىتىلى تاپسىرا الماعان ازاماتتار ءۇشىن ءبىرىنشى رەت ەسكەرتۋ تۇرىندە اكىمشىلىك جاۋاپكەرشىلىك قاراستىرىلعان. بۇزۋشىلىقتار جويىلعاننان كەيىن بانكتىك شوتتار بويىنشا شىعىس وپەراسيالارى ءبىر جۇمىس كۇنىنەن كەشىكتىرىلمەي بۇعاتتان شەشىلەدى"، - دەيدى ماماندار.
بۇگىنگى تاڭدا، جالپىعا بىردەي دەكلاراسيالاۋ بويىنشا دەكلاراسيا تاپسىرۋعا مىندەتتى 4،8 ميلليون ادامنىڭ ىشىنەن دەكلاراسيانى ۇسىنباعانى ءۇشىن مەملەكەتتىك كىرىس ورگاندارى 68،3 مىڭ نەمەسە 1،4% دارا كاسىپكەر مەن جەكە پراكتيكامەن اينالىساتىن تۇلعالاردىڭ بانكتىك شوتتارى بويىنشا شىعىس وپەراسيالارىن توقتاتتى.
"بۇگىنگى تاڭدا اۋتقۋشىلىقتاردى جويعان 17،5 مىڭنان استام سالىق تولەۋشىنىڭ نەمەسە وكىمدەردىڭ جالپى سانىنىڭ 26% بويىنشا - بانكتىك شوتتارى بويىنشا بۇعاتتاۋ شەشىلدى"، دەلىنگەن مكك حابارلاماسىندا.
