جامبىل وبلىستىق سوتىنىڭ حابارلاۋىنشا، ءىس №2 قالالىق سوتىنىڭ وندىرىسىنە 2022 جىلدىڭ 19 قىركۇيەگىندە تۇسكەن.
ايىپتالۋشىلاردىڭ اراسىندا جامبىل وبلىسى اۋىل شارۋاشىلىعى باسقارماسى باسشىسىنىڭ بۇرىنعى ورىنباسارى ەرلان كۇلكەيەۆ جانە ەلجان ەلىباي بار. ولار تەرگەۋ يزولياتورىندا وتىر. ال مارات دايرابايەۆ پەن ديدار مولداقالىق ءۇي قاماققا الىنعان.
ايتا كەتەيىك،
ءۇي قاماققا الىنعان دايرابايەۆ پەن مولداقالىق «اۋىل» پارتياسى اتىنان كەزەكتەن تىس پرەزيدەنت سايلاۋىنا كانديدات رەتىندە ۇسىنىلعان جيگۋلي دايرابايەۆتىڭ ۇلدارى ەكەنى ايتىلدى.
سايت ءتىلشىسى وسىعان بايلانىستى جيگۋلي دايرابايەۆقا تەلەفون ارقىلى حابارلاسقان ەكەن، الايدا ول سويلەسۋگە ۋاقىتى جوق ەكەنىن ايتقان.
30 قىركۇيەكتە ەلوردادا «اۋىل» حالىقتىق-دەموكراتيالىق پاتريوتتىق پارتياسىنىڭ كەزەكتەن تىس حح سەزى ءوتتى. جيىن بارىسىندا پارتيا ءتوراعاسى ءالي بەكتايەۆ الداعى پرەزيدەنت سايلاۋىنا پارتيا اتىنان قازاقستان فەرمەرلەر وداعى قاۋىمداستىعىنىڭ پرەزيدەنتى جيگۋلي دايرابايەۆ ۇمىتكەر بولاتىنىن مالىمدەدى.
ايتا كەتەيىك، قىلمىستىق ءىس بويىنشا باستى سوت تالقىلاۋى 2022 جىلدىڭ 11 قازانىنا تاعايىندالعان.
