Taraz qalasy sotynda senip tapsyrylǵan bótenniń múlkin ıemdený, iri mólsherde alaıaqtyq jasady degen aıyppen tórt azamatqa qatysty is qaralady, dep habarlaıdy Dalanews.kz Halyq Uni-ne siltep.

Jambyl oblystyq sotynyń habarlaýynsha, is №2 qalalyq sotynyń óndirisine 2022 jyldyń 19 qyrkúıeginde túsken.

Aıyptalýshylardyń arasynda Jambyl oblysy aýyl sharýashylyǵy basqarmasy basshysynyń burynǵy orynbasary Erlan Kúlkeev jáne Eljan Elibaı bar. Olar tergeý ızolátorynda otyr. Al Marat Daırabaev pen Dıdar Moldaqalyq úı qamaqqa alynǵan.

Aıta keteıik,

úı qamaqqa alynǵan Daırabaev pen Moldaqalyq «Aýyl» partıasy atynan kezekten tys prezıdent saılaýyna kandıdat retinde usynylǵan Jıgýlı Daırabaevtyń uldary ekeni aıtyldy.

Saıt tilshisi osyǵan baılanysty Jıgýlı Daırabaevqa telefon arqyly habarlasqan eken, alaıda ol sóılesýge ýaqyty joq ekenin aıtqan.

30 qyrkúıekte elordada «Aýyl» halyqtyq-demokratıalyq patrıottyq partıasynyń kezekten tys HH sezi ótti. Jıyn barysynda partıa tóraǵasy Álı Bektaev aldaǵy prezıdent saılaýyna partıa atynan Qazaqstan fermerler odaǵy qaýymdastyǵynyń prezıdenti Jıgýlı Daırabaev úmitker bolatynyn málimdedi.

Aıta keteıik, qylmystyq is boıynsha basty sot talqylaýy 2022 jyldyń 11 qazanyna taǵaıyndalǵan.