ايتا كەتەلىك ۆلاديمير بوجكو نۇر-سۇلتانداعى اسسامبلەيا جيىنىندا حالىققا قاراتا "الەۋمەتتىك كومەكتى كوبەيتكەنى ءۇشىن مەملەكەت الدىندا تىزەرلەپ تۇرىپ العىس ايتۋ ءتيىس" دەگەن بولاتىن. دەپۋتاتتىڭ وسى پىكىرىنە قاتىستى ساۋالعا داۋرەن ابايەۆ "حابارداعى" "اشىق الاڭ" باعدارلاماسىندا جاۋاپ بەردى.
"مەنىڭ ويىمشا، ۆلاديمير كارپوۆيچ سەزىمگە بەرىلىپ، ويىن دۇرىس جەتكىزە الماعان سياقتى. انىعىندا ونىڭ نەنى ايتقىسى كەلگەنىن ءبارىمىز تۇسىنەمىز عوي. بۇل ارادا ماسەلە ماسىلدىققا تۇر. ويىن دۇرىس جەتكىزە الماعان.
ءبىرىنشى كەزەكتە، ول - اسكەري ادام. ويىن بۇكپەسىز ايتادى. بۇدان بولەك ۆلاديمير كارپوۆيچ بالا جاسىنان ەڭبەككە ارالاسقان.
وسى سەبەپتى بىرەۋگە ماسىل بولاتىندارعا باسقاشا قارايدى. وكىنىشتىسى وسى پىكىرىنەن كەيىن الەۋمەتتىك جەلىدەگى جۇرت ونى پاتريوت ەمەس دەپ جازعىردى. جۇرتتىڭ تۇرمىس-جاعدايىن ويلامايدى دەيدى. الايدا، ادامدى ىسىنە قاراپ باعالاۋ قاجەت. كوپتەگەن قۇتقارۋ وپەراسياسىنا ءوزى ارالاسىپ، جۇزدەگەن ەل ازاماتىن اجالدان اراشالاپ قالعان ادامدى ەلدىڭ پاتريوت ەمەس دەپ كىنالاۋعا بولمايدى. بوجكو – قازاق جەرىنىڭ ناعىز پاتريوتى. بۇل - شىندىق"، - دەدى مينيستر.
https://youtu.be/bxr5WmYaLyo
