ونىڭ اتاپ ٶتكەنٸندەي ەزٸر مەجٸلٸسكە بارعىسى كەلەتٸندەردٸڭ اراسىندا استىرتىن كٷرەس جٷرٸپ جاتىر. پارتييا ٸشٸندەگٸ تٷرلٸ توپتار ٶز كانديداتىن تىقپالاپ, تٸزٸمگە كٸرگٸزۋگە تىرىسۋدا.
ال داريعا نازارباەۆا پارلامەنت سايلاۋىنا قاتىسۋعا تاس-تٷيٸن دايىن وتىرۋى مٷمكٸن. گروزيننٸڭ پٸكٸرٸنشە, بۇل وعان ساياساتقا قايتا ورالاتىن سوڭعى مٷمكٸندٸك.
«نازارباەۆا ماقساتشىل, امبيتسيياسى اسىپ-تاسىپ تۇرعان تۇلعا. ونىڭ ساياسي كارەراسى تۇيىقتالىپ قالعانى راس, دەگەنمەن «داريعانىڭ دەۋرەنٸ ٶتتٸ» دەپ كەسٸپ ايتۋعا بولماس.
كەرٸسٸنشە, ونىڭ سايلاۋعا قاتىسپاۋىنان سەكەم الار ەدٸم, سەبەبٸ ول مۇنى جاۋاپسىز قالدىرمايدى», – دەيدٸ گروزين.
تۇڭعىش پرەزيدەنت كەتەرٸن تىڭعىلىقتى ويلاستىرىپ كەتتٸ
ساياساتتانۋشى نازارباەۆ قالاپ كەتكەن جٷيە كٶپكە دەيٸن مىزعىماي تۇرارىنا سەنٸمدٸ. ونىڭ ويىنشا, تۇڭعىش پرەزيدەنت كٷنٸ بۇرىن قامدانعان, تٸپتٸ ٶمٸردەن ٶتكەن كٷننٸڭ ٶزٸندە ساياسي ەليتا ول قۇرىپ كەتكەن جٷيەنٸڭ نەگٸزٸندە ەلٸ تالاي كٷن كەشەدٸ.
«بٸراق مۇنىڭ دا شەگٸ بار. بيلٸك باسىنداعى توپتاردىڭ تەپە-تەڭدٸگٸن ساقتاپ, وسى كٷنگە دەيٸنگٸ كيكٸلجٸڭدەردٸ كونسەرۆٸلەپ كەلگەن نازارباەۆ فاكتورى كٶزدەن عايىپ بولعاننان كەيٸن ەليتا بٸرٸن-بٸرٸ قىرىپ-جويا باستايدى.
نازارباەۆتىڭ توقاەۆتى تاعايىنداۋداعى تٷپكٸ ويى وسى تەۋەكەلدٸ سەل دە بولسا جۇمسارتۋ, سول ارقىلى ەليتانى ساباسىنا تٷسٸرۋ بولسا كەرەك. بۇل ەندٸ بولجام عانا.
قۇداي بٸلەدٸ, توقاەۆتان ٶربيتٸن بٸرنەشە ساياسي جوسپار جاسالعان بولار. نازارباەۆتىڭ مۇنى ويلاستىرماۋى مٷمكٸن ەمەس. سونىڭ بٸرٸ توقاەۆ بيلٸگٸن شەكسٸز مەرزٸمگە سوزىپ, پرەزيدەنتكە سىرتتاي جٶن سٸلتەپ وتىرۋ. مۇنداي جاعدايدا قازٸرگٸ پرەزيدەنتتٸڭ ىقپالى ارتا تٷسەدٸ, بٸر جاعىنان نازارباەۆتىڭ بەدەل-مۇراسىنا نۇقسان كەلمەيدٸ», – دەيدٸ گروزين.
