الماتى اكىمى دارحان ساتىبالدى جول توسەمىنىڭ شوگۋى مەن جيەكتاستىڭ نەگىزسىز اۋىستىرىلۋىنا بايلانىستى اۋەزوۆ پەن مەدەۋ اۋداندارىنىڭ اكىمدەرىنە قاتاڭ سوگىس جاريالادى، دەپ حابارلايدى Dalanews.kz.
الماتىدا بوستاندىق اۋدانى اكىمىنىڭ ورىنباسارى مەردىگەر جۇمىسىنا ءتيىستى باقىلاۋ جۇرگىزبەگەنى ءۇشىن قىزمەتىنەن بوساتىلدى.
الماتى اكىمى قالاداعى جول توسەمىنىڭ جۋىرداعى شوگۋى مەن جەكەلەگەن ۋچاسكەلەردە جيەكتاستىڭ نەگىزسىز اۋىستىرىلۋى ماسەلەسىن باقىلاۋدا ۇستاپ وتىر. دارحان ساتىبالدى اۋەزوۆ اۋدانىنداعى امانجول جانە ياسساۋي كوشەلەرىندەگى اسفالتتىڭ شوگۋى، ەرمەنساي شاعىناۋدانىندا ترانشەيالاردىڭ شايىلۋى، سونداي-اق بوستاندىق اۋدانىنداعى ۇلكەن الماتى وزەنىنىڭ جاعالاۋىنان گرانيت پليتالاردىڭ ۇرلانۋى دەرەكتەرى بويىنشا قىزمەتتىك تەرگەۋ جۇرگىزۋدى تاپسىردى.
جەكەلەگەن اۋماقتاردا مەردىگەر ۇيىمداردىڭ جۇمىسىن تيىسىنشە باقىلاماۋ سالدارىنان ورىن العان جاعدايعا بايلانىستى: نوسەر كەزىندە امانجول كوشەسىندە جول توسەمى شوگىپ (سۋمەن جابدىقتاۋ جانە كارىز جەلىلەرىن تارتۋ بويىنشا قۇرىلىس-مونتاج جۇمىستارىن «سپەسستروي گرۋپپ لتد» ج ش س ورىنداعان)، 13 اۆتوكولىك زاقىمدالدى. سونداي-اق ياسساۋي كوشەسىندە اسفالت وپىرىلعان (ۇزىندىعى 2،8 كم بولاتىن كارىز جەلىسىن «سپەسكوممۋنستروي» مەردىگەر ۇيىمى سالعان). وسىعان بايلانىستى اۋەزوۆ اۋدانى اكىمىنە قاتاڭ سوگىس جاريالاندى.
بۇدان بولەك، ەرمەنساي شاعىناۋدانىندا ينجەنەرلىك كوممۋنيكاسيالار تارتۋ ءۇشىن قازىلعان ترانشەيالاردى قاتتى سۋ اعىنى شايىپ، اۆتوكولىكتەردىڭ قوزعالىسىنا كەدەرگى كەلتىرگەن ۋچاسكەدە («SGGroup ساپا ستروي» ج ش س جۇمىسى)، سونداي-اق ءال-فارابي داڭعىلى مەن جاروكوۆ كوشەسىندەگى جەراستى وتكەلىندە گرانيت پليتالاردى نەگىزسىز اۋىستىرۋ جۇمىستارىنا باقىلاۋدىڭ بولماۋىنا بايلانىستى بوستاندىق اۋدانى اكىمىنىڭ بولماۋىنا وراي ونىڭ تۇرعىن ۇي-كوممۋنالدىق شارۋاشىلىعى جانە اباتتاندىرۋ سالاسىنا جەتەكشىلىك ەتەتىن ورىنباسارى قىزمەتىنەن بوساتىلدى.
مەردىگەر ۇيىمدى باقىلاۋدا كەمشىلىك جىبەرگەنى ءۇشىن – مەدەۋ اۋدانى اكىمىنە دە قاتاڭ سوگىس جاريالاندى. ءۋاليحانوۆ بۋلۆارىنداعى جيەكتاستى زاڭسىز شەشىپ الىپ، پليتالاردى وبلىستاعى جەكە ۇيگە جەتكىزۋ وقيعاسى قوعامدا ۇلكەن نارازىلىق تۋعىزدى. اتالعان دەرەك بويىنشا قىلمىستىق ءىس قوزعالدى.
سونىمەن قاتار، قالا باسشىسى ۇلكەن الماتى وزەنىنىڭ ارناسىن قايتا جاڭعىرتۋ جانە ىرگەلەس اۋماقتى اباتتاندىرۋ جوباسىن ورىنداپ جاتقان «پاۆلودار وزەن پورتى» اق مەردىگەر ۇيىمىنىڭ جۇمىسىنداعى كەمشىلىكتەرگە قىزمەتتىك تەكسەرىس جۇرگىزۋدى جانە ونىڭ سەبەبىن انىقتاۋدى تاپسىردى. وسىعان بايلانىستى جوبانىڭ تاپسىرىس بەرۋشىسى – ەكولوگيا باسقارماسىنىڭ باسشىسىنا سوگىس جاريالاندى. اكىم سونداي-اق پوليسيا دەپارتامەنتى باستىعىنا ۇلكەن الماتى جاعالاۋىنان گرانيت پليتالاردىڭ ۇرلانۋىنا قاتىستى قىلمىستىق ءىس تەرگەۋىنىڭ ناتيجەلەرى بويىنشا ەسەپ بەرۋدى تاپسىردى.
بۇدان بولەك، دارحان ساتىبالدى قىسقا مەرزىمدە جوبالارداعى انىقتالعان كەمشىلىكتەردى جويۋدى تاپسىردى. سونداي-اق گاسك-قا مەردىگەر ۇيىمداردىڭ جانە تەحنيكالىق قاداعالاۋ قىزمەتىنىڭ جۇمىسىن قايتا تەكسەرۋ مىندەتتەلدى. ەگەر بۇل مەردىگەر ۇيىمداردىڭ جۇمىستارىن ادال ورىنداماعانى راستالسا، قاتاڭ شارا قولدانىپ، ايىپپۇل سالىناتىن بولادى.
