بۇگىن تۇركىستانعا ۇلىبريتانيانىڭ قازاقستانداعى ەلشىسى كەتي ليچ پەن حالىقارالىق كوشى-قون ۇيىمى ميسسياسىنىڭ باسشىسى سەرحان اكتوپراك كەلدى. وبلىس اكىمى دارحان ساتىبالدى وڭىرگە كەلگەن قوناقتارمەن كەزدەسىپ، ءبىرقاتار ماسەلەنى جان-جاقتى تالقىلادى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
– سىزدەردى تۇركىستان تورىندە كورگەنىمە قۋانىشتىمىن! كيەلى وڭىرىمىزگە قوش كەلدىڭىزدەر! ءبىزدىڭ وبلىستىڭ تۇرعىندارى راسىندا وتە ەڭبەكقور. قاي جەرگە بارماسىن، توپ جارىپ شىعادى. وزدەرىڭىز بىلەسىزدەر، تۇركىستان وڭىرىندە حالىق تىعىز ورنالاسقان. ونىڭ ىشىندە 80 پايىزدان استامى اۋىلدا تۇرادى. بۇل – ەلىمىزدەگى وبلىستار اراسىندا ەڭ جوعارى كورسەتكىش جانە ءوڭىرىمىز اۋىل شارۋاشىلىعى باعىتىندا كوش باستاپ تۇر. وبلىسىمىزدىڭ ەكونوميكالىق-الەۋمەتتىك كورسەتكىشتەرى دە، تۋريستىك الەۋەتى دە جاقسارىپ كەلەدى.
بۇگىن اشىلعالى وتىرعان ورتالىقتىڭ جۇمىسسىزدىقتى ازايتۋعا ۇلەسى زور دەۋگە بولادى. قازاقستان ەڭبەكشى كوشىپ-قونۋشىلاردىڭ قۇقىقتارى مەن ءال-اۋقاتىن جاقسارتۋعا، قورعاۋعا، ولاردى كوشى-قوننىڭ نەعۇرلىم ءقاۋىپسىز جانە ناتيجەلى تاجىريبەسى ءۇشىن قاجەتتى بىلىمدەرمەن جانە رەسۋرستارمەن قامتاماسىز ەتۋگە مىندەتتەنەدى. ەڭبەك موبيلدىلىگى ورتالىعىنىڭ بىلىكتى قىزمەتكەرلەرى ميگرانتتارعا ومىرلىك ماڭىزدى اقپارات بەرە وتىرىپ، ورتالىقتاندىرىلعان توراپ رەتىندە ارەكەت ەتەدى دەپ سەنەمىن، – دەدى دارحان ساتىبالدى.
حكۇ ۇلىبريتانيا ۇكىمەتىنىڭ قارجىلىق قولداۋىمەن ەڭبەك موبيلدىلىگى ورتالىعىنا الەۋەتتى ارتتىرۋعا كومەك كورسەتەدى. وسىعان توقتالعان ۇلىبريتانيانىڭ قازاقستانداعى ەلشىسى كەتي تۇركىستان ءوڭىرىنىڭ الەۋەتىنە جوعارى باعاسىن بەردى. اتالعان ورتالىق ۇلىبريتانياعا جۇمىس ىستەۋگە نيەت ەتكەن تۇرعىندارعا جان-جاقتى كومەك كورسەتەتىنىن جەتكىزدى.
ال قازاقستانداعى حكۇ ميسسياسىنىڭ باسشىسى، ورتالىق ازيا بويىنشا ۇيلەستىرۋشىسى سەرحان اكتوپراك مۇنداي ورتالىقتىڭ كوشى-قونعا دايىندىق كەزىندە ماڭىزى زور ەكەنىن ايتتى. ەڭبەكشى ميگرانتتاردىڭ جاڭا ورتاعا تەز بەيىمدەلىپ، الدىن الا ماعلۇمات الاتىنىن اتاپ ءوتتى.
ايتا كەتەيىك، قوناقتار ءارى قاراي شەت ەلدەردەگى جۇمىستارعا جەرگىلىكتى ازاماتتاردى جولداۋعا باعىتتالعان «الدىن الا دايارلىق ورتالىعىن» اشۋ سالتاناتىنىڭ لەنتاسىن قيۋ راسىمىنە قاتىسادى. سونىمەن قاتار ورتالىقتىڭ قىزمەتىمەن تانىسىپ، شەتەلدە جۇمىس ىستەۋگە نيەتتى ازاماتتارمەن پىكىر الماسادى. تۇركىستانداعى «ەڭبەك موبيلدىلىگى ورتالىعى» بازاسىندا اشىلاتىن ورتالىق قازاقستاندىق ەڭبەكشى ميگرانتتارعا كونسۋلتاسيالىق قولداۋ كورسەتەدى.
«ورتالىق ازيادان ۇلىبريتانياعا ماۋسىمدىق جۇمىسشىلاردىڭ ءقاۋىپسىز كوشى-قونى» جوبالىق ءىس-شاراسى اياسىندا «ەڭبەك موبيلدىلىگى ورتالىعىندا» ۇيىمداستىرىلاتىن باسپاسوز-كونفەرەنسياسىنان سوڭ ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ تۇركىستان وبلىسى بويىنشا فيليالىنا بارادى. وندا ترەنەرلەردى دايارلاۋ پروسەسىمەن تانىسىپ، ترەنەرلەردىڭ العاشقى سەسسياسىنا قاتىسادى. سودان سوڭ ق.ا.ياساۋي كەسەنەسى مەن شاھارداعى تۋريستىك ورىنداردى ارالاماق.
