ءماجىلىس دەپۋتاتى ەلنۇر بەيسەنبايەۆ بۇگىندە اقشاعا كەلگەندە اردى اتتاپ كەتەتىندەر، بايلىققا بۇقارانى الداپ جەتەتىندەر از ەمەس ەكەنىن ايتتى، دەپ حابارلايدى Dalanews.kz.
دەپۋتاتتىڭ سوزىنشە، ويىننان ويىن شىعارىپ، ونى جەلىگە جۇكتەپ، حالىقتى تاقىرعا وتىرعىزۋدى تابىستىڭ كوزى قىلعانداردى اۋىزدىقتاۋ ءۇشىن "ويىن بيزنەسى، لوتەرەيا جانە لوتەرەيا قىزمەتى ماسەلەلەرى تۋرالى" زاڭ جوباسى جازىلعان.
"2024 جىلى زاڭسىز لوتەرەيا ۇيىمداستىرعان 101 ادامعا 41 ملن تەڭگە ايىپپۇل سالىندى. وڭاي اقشاعا قۇنىققانداردىڭ كوزىن اقشانىڭ شەلى باسقانى سونشا - وزگەلەردىڭ وت باسقانىن كورسە دە زاڭسىز لوتورەيا ۇيىمداستىرۋدى قويار ەمەس. 2025 جىلدىڭ باسىنان باستاپ بۇگىنگى كۇنگە دەيىن تاعى 79 ادام اكىمشىلىك جاۋاپكەرشىلىككە تارتىلىپ، ولارعا 33،1 ملن تەڭگە ايىپپۇل سالىندى"، - دەدى ول.
دەپۋتات بىرنەشە بلوگەردى اتاپ كورسەتتى.
"بىرىنشىدەن، كەيبىر الەۋمەتتىك جەلىنىڭ مۇمكىندىگىن بەلسەندى پايدالاناتىن ينفليۋەنسەر-الاياقتار ۋاقىتشا كومپانيالار قۇرىپ، پايداسىز ۆيدەوكۋرستار دايىنداپ، سونى ساتۋ دەگەن سىلتاۋمەن زاڭسىز لوتەرەيا ۇيىمداستىرىپ جاتىر. قاراپايىم ازاماتتاردى بۇل زاڭسىز ىس-ارەكەتتەرگە كوپتەپ تارتۋ ءۇشىن سىيلىق رەتىندە پاتەر، اۆتوكولىك، ەلەكترونيكا مەن سمارتفوندار، ءتىپتى ءزاۋلىم كوتتەدجدەر تىگىپ جاتىر.
مىسالى، وقىرماندار سانى 3 ميلليون بولاتىن دارحان جولشىبەكوۆ "darhanzholshybekov" اككۋانتى ارقىلى 300 ميلليون تەڭگە تۇراتىن ءزاۋلىم ۇيىنە زاڭسىز ۇتىس ۇيىمداستىرىپ، شامامەن 1،5 ملرد تەڭگە قارجى جيناعان. ال وقىرماندارى سانى 6،9 ميلليوندى قۇرايتىن "supermamasitا" اككاۋنتى ارقىلى بايتۋعايەۆا ءاليا بىرنەشە رەت باعالى سىيلىقتاردى ويناتىپ، دەرەكتەر بويىنشا 500 ميلليون تەڭگە قاراجات جيناعان.
جالپى وقىرماندارى 13 ميلليون بولاتىن "Justking31" جانە "AminaXO" Instagram اككاۋنتتارىنىڭ يەلەرى نۇرتازا نۋربەك جانە امينا ءزاۋلىم ۇيلەرىن زاڭسىز لوتەرەيا ۇيىمداستىرۋ ارقىلى ساتىپ، 1،5 ملرد تەڭگە سوماسىندا قارجى جيناعان"، - دەدى ول.
ايتا كەتەيىك، بلوگەر ەربولات جانابىلوۆتىڭ باسى وسىنداي داۋعا قالدى، ول سوتتا بۇعان دەيىن كىناسىن مويىندامادى.
