داركنەتتە ٶزٸن shymzz13 دەپ تانىستىرعان حاكەر قازاقستان ازاماتتارىنىڭ اۋقىمدى دەرەكتەر بازاسىن ساتۋعا شىعارعانىن مەلٸمدەدٸ, دەپ حابارلايدى dalanews.kz.
ونىڭ ايتۋىنشا, بازادا شامامەن 15 ميلليون قازاقستاندىقتىڭ جەكە مەلٸمەتتەرٸ ساقتالعان. بۇل ەل حالقىنىڭ شامامەن تٶرتتەن ٷش بٶلٸگٸنە تەڭ. حاكەر دەرەكتەردٸ مەملەكەتتٸك قىزمەتتەر پورتالى eGov جٷيەسٸن بۇزۋ ارقىلى قولعا تٷسٸرگەنٸن العا تارتادى.
ساتۋشى اقپاراتتىڭ قۇنىن 0,5 بيتكوينگە باعالاعان. قازٸرگٸ باعام بويىنشا بۇل شامامەن 32 مىڭ اقش دوللارىنا تەڭ. كٶلەمٸ 2,7 گيگابايت بولاتىن ارحيۆتە 47 ميلليونعا جۋىق جازبا بار ەكەنٸ ايتىلعان.
جارييالانعان مەلٸمەتتەرگە سەيكەس, بازادا ازاماتتاردىڭ جەكە كۋەلٸك دەرەكتەرٸ, تەلەفون نٶمٸرلەرٸ, ەلەكتروندىق پوشتا مەكەنجايلارى, جۇمىس ورىندارى تۋرالى اقپارات, قۇجاتتاردىڭ سكانەرلەنگەن كٶشٸرمەلەرٸ جەنە پارولدەر بولۋى مٷمكٸن.
ايتا كەتەيٸك, سوڭعى ۋاقىتتا eGov جٷيەسٸنٸڭ جۇمىسىنا قاتىستى بٸرنەشە مەسەلەلەر تٸركەلگەن بولاتىن. تامىز ايىنىڭ باسىندا كەيبٸر قولدانۋشىلار سەرۆيسكە كٸرگەن كەزدە ٶزگە ازاماتتاردىڭ جەكە كابينەتتەرٸنە قول جەتكٸزە العانىن حابارلاعان. ال كٶكتەمدە قازاقستاندىق قارجى ساراپشىسى eGov ارقىلى كومپانييا تٸركەگەننەن كەيٸن بٸرنەشە ساعات ٸشٸندە جارنامالىق قوڭىراۋلار الا باستاعانىن مەلٸمدەگەن.
كيبەرقاۋٸپسٸزدٸك ماماندارى مۇنداي كٶلەمدەگٸ دەرەكتەر بازاسى الاياقتاردىڭ قولىنا تٷسسە, ازاماتتار ٷشٸن ەلەۋلٸ قاۋٸپ تٶندٸرۋٸ مٷمكٸن ەكەنٸن ەسكەرتەدٸ. ساراپشىلاردىڭ پٸكٸرٸنشە, اقپاراتتى تٷرلٸ تەلەفون الاياقتارى مەن كيبەرقىلمىستىق توپتار پايدالانىپ كەتۋٸ ىقتيمال.
الايدا قازٸرگٸ ۋاقىتتا دەرەكتەر بازاسىنىڭ شىنايىلىعى مەن ونىڭ ناقتى قاي جٷيەدەن الىنعانى رەسمي تٷردە راستالعان جوق. سوندىقتان جارييالانعان اقپاراتقا ساقتىقپەن قاراۋ قاجەت.
