شتاب وتىرىسىندا تۋبەركۋلەز پروبلەمالارى ۇلتتىق ورتالىعىنىڭ ديرەكتورى ت.ابىلدايەۆ، ق ر ءىىم قىلمىستىق-اتقارۋ جۇيەسى كوميتەتى ءتوراعاسىنىڭ ورىنباسارى ا.بازىلبەكوۆ، سونداي-اق دەنساۋلىق ساقتاۋ باسقارمالارىنىڭ جەتەكشىلەرى بايانداما جاسادى.
ساليدات قايىربەكوۆا قازاقستان عالامدىق باسەكەگە قابىلەتتىلىك يندەكسىندە ۇستانىمىن جاقسارتقانىمەن، تۋبەركۋلەزدىڭ دارىگە ءتوزىمدى تۇرىمەن سىرقاتتانۋشىلىق كولەمىنىڭ ارتۋى، سونداي-اق، قىلمىستىق-اتقارۋ جۇيەسى مەكەمەلەرىندەگى تۋبەركۋلەزگە شالدىققان ناۋقاستارعا كورسەتىلەتىن كومەك جايى مامانداردى الاڭداتىپ وتىرعانىن العا تارتتى.
وعان قوسا، جيىنعا قاتىسۋشىلار جەرگىلىكتى اتقارۋشى ورگان وكىلدەرىنىڭ نازارىن – جىلدام دياگنوستيكالاۋ قوندىرعىلارىمەن جابدىقتاۋ، ناۋقاستاردى الەۋمەتتىك قولداۋ، تۋبەركۋلەزگە قارسى ءبىرقاتار ۇيىمداردىڭ ماتەريالدىق-تەحنيكالىق بازاسىن ينفەكسيالىق باقىلاۋ تالاپتارىنا سايكەستەندىرۋ سياقتى تۋبەركۋلەزگە قارسى ءىس-شارالار كولەمىنىڭ جەتكىلىكسىز بولىپ وتىرعانىنا اۋداردى.
رەسپۋبليكالىق شتاب شەڭبەرىندە ق ر ءدساد (دەنساۋلىق ساقتاۋ جانە الەۋمەتتىك دامۋ)
ءبىرىنشى ۆيسە-مينيسترى مەديسينالىق قىزمەتتى باقىلاۋ كوميتەتىنە پەنيتەنسيارلىق جۇيەنىڭ تۋبەركۋلەزگە قارسى مەكەمەلەرىنە تەكسەرۋ جۇرگىزۋدى تاپسىردى. تۋبەركۋلەزدىڭ سوزىلمالى تۇرلەرىمەن اۋىراتىن ناۋقاستاردى ءتيىستى ەمدەۋ ماسەلەلەرى رەسپۋبليكالىق شتابتىڭ كەلەسى وتىرىسىندا تىڭدالاتىن بولادى.
ق ر دەنساۋلىق ساقتاۋ جانە الەۋمەتتىك دامۋ
مينيسترلىگىنىڭ باسپا ءسوز قىزمەتى
