دانييار — وليمپيادا چەمپيونى!
قازاقستان قۇراماسىنىڭ كاپيتانى فينالدا ٶزبەك شاحرام عيياسوۆتى 3:0 (29:28, 29:28, 29:28) ەسەبٸمەن جەڭدٸ. العاشقى ەكٸ راۋندتا دانييار قاشا ۇرىس سالىپ جٷرٸپ, قاجەت ۇپايلاردى جاقسى جيناپ الدى. سوڭعى كەزەڭدە عيياسوۆ بارىن سالدى, الايدا ۇپاي ايىرماسىن سəل قىسقارتقانى بولماسا, التىنعا لايىق ەڭبەك سٸڭٸرە العان جوق حابارلايدى statsport.kz سايتى.
«قازاقتىڭ التىن سالماعى» اتانىپ كەتكەن 69 كەلٸدە دانييار ەلەۋسٸنوۆ قاتارىنان تٶرتٸنشٸ رەت التىن مەدال جەڭٸپ العان بوكسشى بولىپ وتىر. 2004 جىلى افينادا — باقتييار ارتاەۆ, 2008 جىلى بەيجٸڭدە — باقىت سəرسەكباەۆ, 2012 جىلى لوندوندا سەرٸك سəپيەۆ وسى سالماقتا وليمپيادا چەمپيونى اتاعىن يەلەندٸ. سالماق دəرەجەلەرٸ ٶزگەرمەي تۇرعان كەزدە, 2000 جىلى سيدنەيدە ەرماحان ىبىرايىموۆ 71 كەلٸدە توپ جاردى. دەمەك, قاتارىنان 5 وليمپيادادا قازاق جٸگٸتتەرٸ ورتا سالماقتىڭ دارابوزى اتانىپ كەلەدٸ.
دانييار ەلەۋسٸنوۆ وليمپ بيٸگٸنە بارار جولدا سەرٸك سəپيەۆتٸڭ سوقپاعىمەن جٷردٸ دەسەك تە بولادى. سەرٸك العاشقى وليمپياداسىندا (بەيجٸڭدە) 64 كەلٸدە سىنعا تٷسٸپ, شيرەك فينالدا سٷرٸندٸ, تاي مانۋس بۋنجامنوڭنان ۇتىلدى. دانييار بولسا, əۋەلٸ لوندوندا 64 كەلٸ سالماقتا شيرەك فينالدان اسا الماي, يتالييالىق د.مانجياكاپرەگە ەسە جٸبەردٸ. سەرٸك لوندون وليمپياداسىنا 69 كەلٸدە باق سىنادى, قازاقستان قۇراماسىنىڭ كاپيتانى بولدى. دانييار دا بيىل برازيليياعا كاپيتان رەتٸندە اتتانىپ, 69 كەلٸدە توپ جاردى. وليمپ بيٸگٸنە شىعاردان بٸر جىل بۇرىن, 2011 جىلى سəپيەۆ əلەم چەمپيوناتىنىڭ كٷمٸس جٷلدەسٸن يەلەندٸ. ال ەلەۋسٸنوۆ ٶتكەن جىلى دوھاداعى əلەمدٸك دودانىڭ فينالىندا مۇحاممەد رابييگە (ماروككو) ەسە جٸبەرٸپ, ۆيتسە-چەمپيون اتاندى. مٸنە, چەمپيوندارىمىزدىڭ ٶمٸر جولىنداعى ۇقساستىق وسىنداي.
دانييار ەلەۋسٸنوۆ قازاق بوكسشىلارىنىڭ اتلانتادان بەرگٸ جەڭٸس جولىن جالعادى. ول — جيروۆ, ساتتارحانوۆ, ىبىرايىموۆ, ارتاەۆ, سəرسەكباەۆ, سəپيەۆتەردەن كەيٸن چەمپيون اتانعان جەتٸنشٸ بىلعارى قولعاپ شەبەرٸ. بيىل ول قازاقستان قۇراماسىنىڭ قورجىنىنا ن.راحيموۆ (اۋىر اتلەتيكا), د.بالانديننەن (جٷزۋ) كەيٸن ٷشٸنشٸ التىندى سالدى.
