ق ر پرەزيدەنتىنىڭ باستاماسىمەن جۇرگىزىلىپ جاتقان «رۋحاني جاڭعىرۋ» باعدارلاماسىن جۇزەگە اسىرۋ اياسىندا وبلىسىمىزدا ونداعان جوبالار ازىرلەندى. جوبالاردى قۇرۋ بارىسىندا ايماعىمىزدا توعىسقان ءسانتۇرلى مادەنيەتتەردى كورسەتۋ نەگىزگە الىندى. «تۋعان جەر»، قاسيەتتى گەوگرافيالىق ورىندار، ۇشتىلدىلىك ماسەلەلەرىنە باسىمدىق بەرىلدى. بۇل تۋرالى ايماق باسشىسى دانيال احمەتوۆ وبلىس اكىمدىگىنىڭ وتىرىسىندا مالىمدەدى.

– ءبىز اباي اۋدانىنداعى قاسيەتتى جەرلەردىڭ ءبىرى قوڭىر اۋليە ۇڭگىرىنىڭ جوبالىق-سمەتالىق قۇجاتتارىن ازىرلەپ جاتىرمىز، – دەدى وبلىس باسشىسى. – جەراستى كولىنە مىڭداعان ءمىناجات ەتۋشىلەر كەلەدى. كەلۋشىلەرگە ىڭعايلى دا جايلى جاعداي جاساۋ ماقساتىندا بۇل ايماقتا اباتتاندىرۋ جۇمىستارىن جۇرگىزۋگە ءتيىستى تاپسىرما بەردىم.

جاقىن بولاشاقتا شىعىس قازاقستاننىڭ «رۋحاني جاڭعىرۋ» باعدارلاماسىنىڭ تانىستىرىلىمى بولادى. دانيال احمەتوۆ بۇنىڭ تەك تەوريالىق ەڭبەك ەمەس، تاريحي جادىگەرلەرىمىزدىڭ تەرەڭ تامىرىنا ءۇڭىلۋ ەكەنىن اتاپ ءوتتى. «ءبىز ولاردىڭ ساقتالۋى مەن كوبەيۋى جولىندا ايانباي ەڭبەك ەتۋىمىز كەرەك» دەدى ايماق باسشىسى.



شقو اكىمى ءباسپسوز قىزمەتى