"شىعىس قازاقستان ەلباسى ٷشٸن ەرەكشە ٶڭٸر. بٸر كەزدەرٸ نۇرسۇلتان نازارباەۆ بۇل ٶڭٸردٸ قازاقستاننىڭ ٸنجۋ-مارجانى دەپ اتاعان ەدٸ. شىعىستاعى كٶپتەگەن يگٸ جوبالار ەلباسىمەن ەسٸمٸمەن بايلانىستى. شىعىس قازاقستان – نازارباەۆتىڭ رەفورمالارى مەن جارقىن جوبالارى, زاماناۋي يدەيالارىنىڭ سيمۆولى ٸسپەتتەس", – دەيدٸ احمەتوۆ.
احمەتوۆ وسى ورايدا ٶتكەن كٷندەردٸ ەسكە الىپ, تەۋەلسٸزدٸكتٸڭ ەلەڭ-الاڭىنداعى اۋمالى-تٶكپەلٸ كەزەڭگە توقتالىپتى.
"نازارباەۆپەن 30 جىل بويى ٷزەڭگٸ قاعىسىپ, بٸرگە ٸستەدٸم. وسى جىلداردى وي ەلەگٸنەن ٶتكٸزگەندە تالاي تاعدىرلى كەزەڭنەن ٶتكەنٸمٸزگە كۋە بولامىن.
ەسٸرەسە توقىراۋ جىلدارى بيلٸككە دە, حالىققا دا ٷلكەن سىناق بولدى. نارىقتىق ەكونوميكانىڭ زاڭدىلىقتارىن جاتىرقاي قابىلداعان جۇرتقا ٶز كٶزقاراسىڭدى تاڭۋ, ٸزٸڭنەن جٷرۋگە ٷندەۋ وڭايعا سوققان جوق.
شىنى كەرەك جاڭا زاماننىڭ تالاپتارىنا باستاپقىدا بٸز دە بوي ٷيرەتە الماي, ٷرەيمەن قارادىق. مٸنە, سول تۇستارى ەلباسى مەملەكەتتٸك قىزمەتتە ەندٸ-ەندٸ وڭ-سولىن تاني باستاعان بٸزدەردٸ الماتىعا شاقىرىپ, ەلدٸ داعدارىستان شىعارۋعا قاتىستى شەشٸمدەرٸن ورتاعا سالاتىن.
اپتا سايىن وڭتٷستٸك استانادا باس قوسىپ, كەشە عانا ەگەمەندٸك العان بالاڭ ەلدٸڭ ەرٸ قارايعى تاعدىرىن ايقىندايتىن جوبا-جوسپار جاسالاتىن.
ول تۇستاعى پارلامەنت ادۋىندى, قىزۋقاندى ەدٸ. مەملەكەتتٸڭ ٸرگەسٸن قالاۋعا كٶشكەن ەلباسى تەۋەلسٸزدٸكتٸڭ ەلەڭ-الاڭىندا تٷرلٸ كەدەرگٸمەن بەتپە-بەت كەلدٸ. پارلامەنتپەن تٸل تابىسۋ, ەرٸپتەسٸپ جۇمىس ٸستەۋ وڭايعا سوققان جوق. ەكونوميكانى قويا تۇرىپ, شەكارانى ايقىنداۋ, ۇلتتىق ۆاليۋتانى ەنگٸزۋ, اتا زاڭدى قابىلداۋ سەكٸلدٸ جاۋاپتى جۇمىستىڭ ٶزٸ تٶبە ەدٸ.
بٸز, مىنا بٸز نارىقتىق ەكونوميكانىڭ بازالىق بٸلٸمٸن نازارباەۆتان ٷيرەندٸك. نازارباەۆ نارىق زامانىنىڭ زاڭدىلىقتارىن سابىرمەن, سالقىنقاندىلىقپەن قابىلداپ, ەلگە كەرەكتٸسٸن ەلەپ-ەكشەدٸ.
...
ەلٸ ەسٸمدە 99 جىلى نازارباەۆ باستاعان دەلەگاتسييا قىتايعا ارنايى ٸس-ساپارمەن باردىق. كٷن تەرتٸبٸندە قىتايمەن اراداعى شەكارانى بەكٸتۋ مەسەلەسٸ تۇردى. جەر ۋايىمى بٸرٸنشٸ كەزەكتەگٸ مەسەلە. ول تۇستا مەن شەكارانى زاڭداستىرۋعا قاتىستى كوميسسيياعا جەتەكشٸلٸك ەتەتٸنمٸن.
جاسىرارى جوق, ۇزاققا سوزىلعان قيىن دا كٷردەلٸ كەلٸسسٶز جٷردٸ. مٸنە, سول كەزدە نازارباەۆتىڭ تۇلعالىق قاسيەتٸن تولىق دەڭگەيدە باعالاي الدىم.
بۇل كەلٸسسٶزدەردٸڭ اقىر سوڭى ەكٸ تاراپقا دا تيٸمدٸ كەلٸسٸممەن اياقتالدى. ەلبەتتە, قازٸر ايتۋعا وڭاي.
شەكاراعا قاتىستى اقىرعى شەشٸم قابىلداناتىن شەشۋشٸ سەتتە قىتاي باسشىسى: "بٸزدٸڭ تاراپ شەكارانى بەكٸتۋ تۋرالى كەلٸسٸمشارتقا قول قويادى. بۇل بٸرٸنشٸ كەزەكتە نازارباەۆقا دەگەن ىقىلاس-ٸلتيپاتىمىزدىڭ بەلگٸسٸ" دەپ مەلٸمدەدٸ.
مۇنىڭ بەرٸنە سول كەزدەسۋگە قاتىسقان مىنا مەن كۋەمٸن. اسا ماڭىزدى ستراتەگييالىق مەسەلەنٸ نازارباەۆتىڭ قايراتكەرلٸك قابٸلەتٸنٸڭ ارقاسىندا اسقىندىرماي, ۋشىقتىرماي شەشٸپ قايتتىق.
قازاقستان كسرو شەكپەنٸنەن شىققان ەلدەردٸڭ اراسىندا العاشقى بولىپ دەليميتاتسييا تۋرالى تاريحي كەلٸسٸمشارتقا قول قويدى.
ايتا بەرسەك مۇنداي مىسال كٶپ.
ەندٸ عانا ەگەمەندٸك العان ەلدٸڭ ەڭسەسٸن كٶتەرۋگە باعىتتالاتىن زاڭ قابىلداۋ دا قيىننىڭ-قيىنى ەدٸ.
95 جىلى پارلامەنت تاراپ, ەلباسى ٶز ۋكازىمەن مەملەكەتتٸڭ نارىقتىق ەكونوميكاعا ٶتۋٸنە جول اشقان 100-گە تارتا ماڭىزدى شەشٸم قابىلدادى.
توق ەتەرٸن ايتقاندا, تۇڭعىش پرەزيدەنت جاۋاپكەرشٸلٸكتٸڭ ادامى. قيىندىقتان قورىقپايتىن, اۋىرتپالىقتى ەڭسەرە بٸلەتٸن قابٸلەتٸنٸڭ ارقاسىندا قازاقستانداي مەملەكەتتٸڭ قابىرعاسىن قالادى.
ەلباسىنىڭ بٷكٸل عۇمىرى تەۋەلسٸز قازاقستاننىڭ تاريحىمەن تىعىز بايلانىستى. تەۋەلسٸزدٸك ەلباسىمەن ەسٸمٸمەن ٷندەس.
سول جىلدارى قابىلدانعان ەربٸر شەشٸم نازارباەۆتىڭ اتىمەن بايلانىستى.
