جىلدىق سىياقى مولشەرلەمەسى 8،5%. قارىز 100 ملن تەڭگەگە دەيىن بەرىلەدى. قۇرال-جابدىقتاردىجاڭعىرتىپ،جاڭاسىنالۋ ءۇشىن 84 ايعادەيىن، اينالىمداعى قاراجاتتى تولىقتىرۋ ءۇشىن 36 ايعا دەيىن مەرزىم كورسەتىلگەن. نەگىزگى قارىزدى جابۋعا 18 ايعا دەيىن جەڭىلدىك ۇسىنىلادى. اتالعان باعدارلاماعا سايكەس، نەسيە العان كاسىپكەرلەر كەپىلگە قوياتىن مۇلكى جەتكىلىكسىز بولعان جاعدايدا «دامۋ» قورىنىڭ كەپىلدەمەسىن پايدالانا الادى.
«الماتى قالالىق اكىمشىلىگىمەن اراداعى بۇل كەلىسىم شاھاردىڭ ازىق-تۇلىك بەلدەۋى، ازىق-تۇلىك قاۋىپسىزدىگىنقۇرۋداوتە ماڭىزدى. «دامۋ» قورى بۇل باستامانى قولدايدى. مۇنداي ارىپتەستىك تاۋار وندىرۋشىلەر ءۇشىن ءونىمىن وتكىزۋگە، ال قالا حالقى ءۇشىن قول جەتىمدى، ساپالى، ەكولوگيالىق تازا تاعام ساتىپ الۋعا مۇمكىندىك بەرەدى. سونىمەن قاتار، جىلدىق ۇستەماقىسى 8،5% بولاتىن ارزان نەسيە قالادا شاعىن جانە ورتا كاسىپكەرلىك نىساندارىنىڭ كوبەيۋى مەن ولاردىڭ شىعاراتىن ءونىم كولەمىن ارتتىرۋعا دا سەپتىگىن تيگىزەدى. بۇل – قالا قازىناسىنا قارجى ءتۇسىرىپ، جۇمىس ورىندارىنىڭ ساقتالىپ، جاڭاسىنىڭ اشىلۋىنا الىپ كەلەدى»،-دەدى «دامۋ» قورىنىڭ باسقارما ءتوراعاسى قانىش تۋلەۋشين.
انىقتاما ءۇشىن: 2015 جىلى «دامۋ» قورى مەن الماتى قالالىق اكىمشىلىگى ساۋدا، قىزمەت كورسەتۋ جانە قوعامدىق تاماقتانۋ سالاسىندا جۇمىس ىستەپ جاتقان كاسىپكەرلەرگە ارنالعان «جىبەك جولى» باعدارلاماسى ءۇشىن 4 ملرد تەڭگەنىڭ مەموراندۋمىنا قول قويعان بولاتىن. سونىڭ ارقاسىندا 77 جوبا قارجىلاندىرىلىپ، 376 جۇمىس ورنى ساقتالىپ، شامامەن 350 جاڭا جۇمىس ورىندارى اشىلعان. باعدارلاماعا ەكىنشى دەڭگەيلى 7 بانك قاتىستى. كاسىپكەرلەردىڭ وتىنىشىمەن 2016 جىلى باعدارلاما جالعاستىرىلدى.