بۇگىن تۇركىستان وبلىسى، تۇلكىباس اۋدانى، شاقپاق بابا اۋىلىنىڭ ماڭىندا ورنالاسقان حالىقارالىق ماڭىزى بار اۆتوجول توننەلى ەل يگىلىگىگە پايدادانۋعا بەرىلدى. سالتاناتتى شاراعا ق ر كولىك ۆيسە-مينيسترى ابلالييەۆ ءساتجان، تۇركىستان وبلىسى اكىمىنىڭ ءبىرىنشى ورىنباسارى زۇلپىحار جولداسوۆ، جامبىل وبلىسى اكىمنىڭ ورىنباسارى قاناتبەك مادىبەك، سالا ماماندارى مەن ەكى وبلىستىڭ اقساقالدارى قاتىستى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
ماڭىزدى نىساننىڭ اشىلۋ سالتاناتىندا ءالعىسوز العان كولىك ۆيسە-مينيسترى تۇرعىنداردى قۋانىشىمەن قۇتتىقتاپ، سالادا اتقارىلىپ جاتقان جۇمىستاردى ايتىپ ءوتتى.
– بۇل – قازاقستاننىڭ كولىك ينفراقۇرىلىمى ءۇشىن ماڭىزدى وقيعا. ەلىمىزدەگى العاشقى توننەل. بۇگىن اشىلعاننان كەيىن نەگىزگى كولىك اعىنى شاقپاق بابا ەلدى-مەكەنىنىڭ اينالما جولىنا باعىتتالدى. بۇل ەلدى مەكەننىڭ ىشىندەگى جول قاۋىپسىزدىگىن ارتتىرۋعا سەپتىگىن تيگىزبەك. سونىمەن قاتار نىسان قىستا جۇرگىزۋشىلەردىڭ شاقپاق بابا اسۋىندا قار قۇرساۋىندا قالىپ قويماۋىنا مۇمكىندىك بەرەدى، – دەگەن ءساتجان ابلالييەۆ جول پايدالانۋشىلارىنا جايلى جانە ءقاۋىپسىز جول تىلەدى.
باسقوسۋدا تۇركىستان وبلىسى اكىمىنىڭ ءبىرىنشى ورىنباسارى زۇلپىحار جولداسوۆ قۇتتىقتاۋ ءسوز الىپ، نىساننىڭ ماڭىزدىلىعىنا توقتالدى.
– بۇگىن ءبىز ەلىمىزدەگى ەڭ ماڭىزدى ءارى قۇرىلىسى كۇردەلى نىساندى تاپسىرعالى تۇرمىز. تۇركىستان وبلىسى مەن جامبىل وبلىسىن بايلانىستىراتىن اۆتوجول توننەلى رەسپۋبليكاداعى كولەمى بويىنشا ەڭ ۇزىن توننەل ەكەندىگىن اتاپ وتكىم كەلەدى. مەملەكەت باسشىسى قاسىم-جومارت كەمەل ۇلى قازاقستان حالقىنا جولداۋىندا ەلىمىز ازيا مەن ەۋروپانى قوساتىن الەمدىك ماڭىزى بار كولىك-تاسىمال تورابىنا اينالۋ قاجەتتىگىن اتاپ ءوتتى. بۇگىنگى تاڭدا بۇل باعىتتاعى جۇمىستار ارتقارىلۋدا. بۇل نىساندى پايدالانۋعا بەرۋ ارقىلى جول قوزعالىسىنىڭ قاۋىپسىزدىگى قامتاماسىز ەتىلەدى جانە وڭىردەگى جولاۋشىلار اعىنى مەن جۇك اينالىمى ارتىپ، ءتۋريزمنىڭ دامۋىنا اسەرىن تيگىزەدى، – دەدى زۇلپىحار جولداسوۆ.
بۇل قۇرىلىس – ەلىمىزدەگى اۆتوموبيل جولدارى سالاسىنداعى بىرەگەي جوبا. تۇركىستان وبلىسى، شاقپاق بابا اسۋىنداعى ەكى جولاقتى توننەلدىڭ ۇزىندىعى 840 مەتردى قۇرايدى. ەنى – 11 مەتر، بيىكتىگى – 8 مەتر.
قاۋىپسىزدىكتى قامتاماسىز ەتۋ ماقساتىندا توننەلدىڭ ەكى جاعىندا جارىقتاندىرۋ، جەلدەتۋ، دابىل بەرۋ جانە باعدارشامداردى رەتتەۋ ۇدەرىستەرىن باسقاراتىن ديسپەچەرلىك پۋنكتتەر قاراستىرىلعان. سونىمەن قاتار ناقتى ۋاقىت رەجيمىندە توننەلدى باقىلاۋعا مۇمكىندىك بەرەتىن بەينەباقىلاۋ جانە ورتتەن قورعاۋ جۇيەلەرى ورناتىلعان. توننەلدىڭ جانىندا جۇرگىزۋشىلەر مەن جولاۋشىلار ءۇشىن جول جوندەۋ پۋنكتى، جانارماي قۇيۋ بەكەتى، تىكۇشاق الاڭدارى جانە ساۋدا ايماقتارى قاراستىرىلعان.
اۆتوجول توننەلىنىڭ اشىلۋى قارساڭىندا 100 ادام جانە 15 بىرلىك ارنايى تەحنيكا جۇمىلدىرىپ، ارنايى وقۋ-جاتتىعۋلارى وتكەندىگىن اتاپ وتكەن ءجون. ارنايى جاتتىعۋلار شەڭبەرىندە توننەلدىڭ قاۋىپسىزدىك جۇيەلەرى، سونىڭ ىشىندە جەلدەتۋ جانە ءورت ءسوندىرۋ جۇمىستارى سىنالدى. سونداي-اق توتەنشە جاعداي كەزىندە كولىك قۇرالدارىن جەدەل سۇيرەۋ جانە جول-پايدالانۋ تەحنيكاسىنىڭ قوزعالىسىن ۇيىمداستىرۋ بويىنشا ىس-ارەكەتتەر پىسىقتالدى.
ءىس-شارا بارىسىندا كولىك ۆيسە-مينيسترى ابلالييەۆ ءساتجان وسى سالانىڭ دامۋىنا ەلەۋلى ۇلەس قوسىپ، ايانباي ەڭبەك ەتىپ جۇرگەن ءبىر توپ ازاماتقا توسبەلگى تاعىپ، العىس حاتتارمەن ماراپاتتادى.
جول قوزعالىسنا نۇسقاۋلىق بەرىلگەننەن كەيىن، توننەلدەن اۆتوشەرۋ ءجۇرىپ ءوتتى. قۇرىلىس جۇمىستارىنىڭ ساپاسى ۇلتتىق ساپا ورتالىعىنىڭ تۇراقتى باقىلاۋىندا بولدى
ايتا كەتەيىك، وبلىستا 2024 جىلى اۆتوموبيل جولدارى سالاسىن دامىتۋعا رەسپۋبليكالىق جانە وبلىستىق بيۋدجەتتەن 41،4 ملرد تەڭگە ءبولىنىپ، قۇرىلىس-جوندەۋ جۇمىستارىمەن جالپى 1061،3 شاقىرىمدى قۇرايتىن جولدار مەن كوشەلەر قامتىلدى. جىل قورىتىندىسىمەن 559،6 شاقىرىم جول پايدالانۋعا بەرىلەدى دەپ كوزدەلۋدە.
