2026 جىلعى 5 قاڭتاردا دالا قىراندارى جاستار قوعامدىق بٸرلەستٸگٸ ەل اۋماعىندا جاڭا جىلدىڭ العاشقى رەيدتٸك ٸس شارالارى مەن ازاماتتىق باقىلاۋ اكتسييالارىن ٶتكٸزدٸ. باستاماعا قازاقستاننىڭ 27 قالاسىنان شامامەن 1700 بەلسەندٸ قاتىستى, دەپ حابارلايدى Dalanews.kz.
جاڭا جىلدى ناقتى ەرەكەتپەن باستاعان قوزعالىس مٷشەلەرٸ قالالاردىڭ كٶشەلەرٸنە شىعىپ, ەلەۋمەتتٸك ماڭىزى بار مەسەلەلەرگە نازار اۋداردى. ەر ٶڭٸردە رەيدتەردٸڭ باعىتى مەن فورماتى جەرگٸلٸكتٸ جاعدايعا جەنە ٶزەكتٸلٸگٸ جوعارى پروبلەمالارعا قاراي ايقىندالدى.
بٸرقاتار قالالاردا #ساتقىندار رەيدتەرٸ ۇيىمداستىرىلىپ, سينتەتيكالىق ەسٸرتكٸ ساتۋمەن بايلانىستى ينتەرنەت دٷكەندەرگە اپاراتىن زاڭسىز سٸلتەمەلەر مەن كٶشە جازبالارى انىقتالدى. ال باسقا ٶڭٸرلەردە زاڭسىز ساتىلاتىن سۋرروگات الكوگول ٶنٸمدەرٸن ەشكەرەلەۋگە باعىتتالعان #سۋرروگات رەيدتەرٸ ٶتتٸ.
استانادا قوزعالىس جاساقتارى رەيدتٸك ٸس شارالارمەن قالانىڭ بارلىق اۋداندارىن قامتىدى. ەسٸرەسە كٶكتال, الماتى جەنە بايقوڭىر اۋداندارىنا باسىمدىق بەرٸلدٸ. بۇل اۋماقتاردا زاڭسىز اينالىم مەن قوعامدىق قاۋٸپسٸزدٸككە قاتىستى مەسەلەلەر ەلٸ دە ٶزەكتٸ بولىپ وتىر.
بايقوڭىر اۋدانىنىڭ باستاپقى نٷكتە رەتٸندە تاڭدالۋى سيمۆولدىق مەنگە يە. دەل وسى جەردە ٷش جىل بۇرىن سۋرروگات الكوگولدٸڭ زاڭسىز اينالىمىن انىقتاۋعا باعىتتالعان العاشقى رەيدتەر باستالعان. بٷگٸندە بۇل باعىتتاعى جۇمىس قوزعالىستىڭ جٷيەلٸ قىزمەتٸنٸڭ بٸر بٶلٸگٸنە اينالىپ, جاستاردىڭ قاتىسۋى تۇراقتى سيپات العان.
قوزعالىس ٷيلەستٸرۋشٸسٸ نۇربول سەيتكاليەۆتٸڭ ايتۋىنشا, قازاقستاندا كٷن سايىن الكوگولدەن ۋلانۋ سالدارىنان بٸر ادام كٶز جۇمادى, ال تاعى 30 ادام الكوگولگە تەۋەلدٸلٸكتٸڭ سالدارىنان قايتىس بولادى.
ونىڭ سٶزٸنشە, جٷيەلٸ رەيدتەردٸڭ نەتيجەسٸندە ەلوردادا سۋرروگات الكوگول ساتۋ فاكتٸلەرٸ ايتارلىقتاي ازايعان. الايدا كەي ٶڭٸرلەردە جاعداي كٷردەلٸ كٷيٸندە قالىپ وتىر. مەسەلەن, ورال قالاسىندا جاقىندا 1000 ليتردەن استام سۋرروگات الكوگول ٶنٸمٸ تەركٸلەنگەن.
#ساتقىندار رەيدتەرٸ بارىسىندا قوزعالىس مٷشەلەرٸ جاستاردى ەسٸرتكٸگە جەتەلەيتٸن گراففيتي مەن زاڭسىز ينتەرنەت سٸلتەمەلەردٸ انىقتاپ, ولاردى سول جەردە جويدى. سونداي اق ەربٸر تٸركەلگەن دەرەك بويىنشا ۋەكٸلەتتٸ ورگاندارعا ينتەرنەت رەسۋرستاردى بۇعاتتاۋ جٶنٸندە رەسمي ٶتٸنٸشتەر جولداندى.
قوزعالىس ٷيلەستٸرۋشٸسٸ نۇرعالي تۇرسىنعازيەۆتٸڭ ايتۋىنشا, باستى ماقسات العاشقى دوزانىڭ الدىن الۋ. سەبەبٸ سينتەتيكالىق ەسٸرتكٸگە تەۋەلدٸلٸك باستاپقى كەزەڭنٸڭ ٶزٸندە قالىپتاسۋى مٷمكٸن.
ال قوزعالىس ٶكٸلٸ مەيربولات تويتوۆ مەسەلەنٸڭ اۋقىمى جەدەل ەرٸ جٷيەلٸ ەرەكەتتٸ تالاپ ەتەتٸنٸن اتاپ ٶتتٸ. ونىڭ مەلٸمەتٸنشە, 2023 جىلى قازاقستاندا بٸر توننادان استام سينتەتيكالىق ەسٸرتكٸ تەركٸلەنگەن, ال رەسمي ەسەپتە شامامەن 200 مىڭ ادام ەسٸرتكٸگە تەۋەلدٸ رەتٸندە تٸركەلگەن.
ونىڭ ايتۋىنشا, بۇل ٷردٸس توقتاتىلماسا, الداعى 10 20 جىلدا مەسەلە ميلليونداعان ادامنىڭ تاعدىرىنا ەسەر ەتۋٸ مٷمكٸن.
ۇيىمداستىرۋشىلاردىڭ مەلٸمدەۋٸنشە, بارلىق ٸس شارالار ازاماتتىق جاۋاپكەرشٸلٸك پەن الدىن الۋ ماقساتىندا ٶتكٸزٸلگەن. رەيدتەر بارىسىندا جينالعان مەلٸمەتتەر قولدانىستاعى زاڭناما اياسىندا تيٸستٸ مەملەكەتتٸك ورگاندارعا جولدانعان.
باستاما مەملەكەت باسشىسى ايقىنداعان زاڭ جەنە تەرتٸپ قاعيداتتارىنا ساي كەلەدٸ. «دالا قىراندارى» قوزعالىسى الداعى ۋاقىتتا دا ەلدٸڭ بارلىق ٶڭٸرٸندە جٷيەلٸ جۇمىسىن جالعاستىرماق.
