ق ر اقپارات جانە كوممۋنيكاسيالار ءمينيسترى داۋرەن ابايەۆ الماتى قالاسىندا «قازتەلەراديو» اق-نىڭ بازاسىندا وتكەن جيىنعا قاتىستى. ءىس-شارا بارىسىندا  انالوگتىق ەفيرلىك تەلەتاراتىلىمدى قازاقستان رەسپۋبليكاسىنىڭ اۋماعىندا كەزەڭ-كەزەڭمەن توقتاتۋ ماسەلەسى تالقىلاندى.

ءمينيستردىڭ ايتۋىنشا، سيفرلىق ەفيرلىك تەلەتارالىمدى قولدانىسقا ەنگىزۋ جانە دامىتۋ –  ساپالى سيفرلىق وتاندىق تەلەارنالاردىڭ حالىققا قولجەتىمدىلىگىن قامتاماسىز ەتۋ – الەۋمەتتىك تۇرعىدان ماڭىزدى جوبا.

– انالوگتىق ەفيرلىك تاراتىلىمنىڭ كەزەڭ-كەزەڭمەن ءوشىرىلۋى ءموبيلدى بايلانىستىڭ دامۋىنا، انالوگتىق جەلىمەن قىزمەت كورسەتۋ شىعىندارىن ازايتۋعا، حالىقارالىق مىندەتتەمەلەردى ورىنداۋعا جانە اۋداندىق تەلەراديو حابارلارىن تاراتۋدىن وركەندەۋىنە سەبەپ بولماق، – دەدى د. ابايەۆ.

بۇگىنگى كۇنى انالوگتىق جانە جەر بەتىندەگى سيفرلىق تاراتىلىم جەلىلەرى قاتار جۇمىس ىستەۋدە. انالوگتىق تاراتىلىم جەلىسىمەن مەملەكەتتىك تەلەارنالاردىڭ حابار تاراتۋى ءۇشىن جىل سايىن جۇمسالاتىن مەملەكەتتىك شىعىندار شامامەن 1،2 ملرد تەڭگەنى قۇرايدى.

سونداي-اق، ءىس-شارالاردىڭ ىسكە اسىرۋ مەرزىمدەرىن ۇزارتۋ ۇيالى بايلانىستىڭ ءتورتىنشى بۋىنى 4Gء-دى ەنگىزۋگە كەدەرگى تۋعىزادى.

سونىمەن قاتار، جيىن بارىسىندا ۇلتتىق تەلەراديو حابارلارىن تاراتۋ جەلىسىن «Intelsat-904» شەتەلدىك سپۋتنيگىنەن وتاندىق كا «KazSat-3» سپۋتنيگىنە اۋىستىرۋ ماسەلەسى تالقىلاندى.

– جەلىنى شەتەلدىك سپۋتنيكتەن وتاندىق سپۋتنيككە اۋىستىرۋ تەحنيكالىق تۇرعىدان دا، ساياسي تۇرعىدان دا قاجەت. وسىعان بايلانىستى «OTAU TV»ء-نىڭ بارلىق ابونەنتتەرىن قازاقستاندىق «قازسات-3» سپۋتنيگىنە كوشىرۋگە كۇش سالۋىمىز كەرەك، – دەدى مينيستر.

ءمينيستردىڭ ايتۋىنشا، اۋىستىرۋعا قاتىستى بارلىق تەحنيكالىق ءىس-شارالار وسى جىلدىڭ قىركۇيەك اياعىنا دەيىن اياقتالۋى قاجەت.

جيىن سوڭىندا ب ا ق ارقىلى حالىققا اقپاراتتىق ناسيحات جۇرگىزۋدى كۇشەيتۋ تۋرالى تاپسىرما بەرىلدى. «قازتەلەراديو» اق-نا «OTAU TV» ابونەنتتەرىنىڭ «قازسات-3» سپۋتنيگىنە تولىقتاي كوشىرىلۋى جانە جەرگىلىكتى ورگاندارمەن بىرلەسە وتىرىپ، اتاۋلى الەۋمەتتىك كومەك الاتىن جانۇيالارعا سيفرلىق ەفيرلىك تاراتىلىم قىزمەتتەرىن قوسۋ ماسەلەسىن ازىرلەۋ تاپسىرىلدى.

 

«قمد» اقپارات