اۋقىمدى جۇمىس جۇرگىزگەننەن كەيىن، 2023 جىلى CDIF بيزنەسكە ارنالعان قىزمەتتەر ماركەتپلەيسءى «Top Cleaning Kazakhstan» ج ش س (top.kz) كومپانياسىنا جانە «Orhun Med Limited» – قازاقستاننىڭ دەنساۋلىق ساقتاۋ سالاسىندا جىلدام دامىپ كەلە جاتقان كومپانياسىنا 41 ميلليون دوللارعا دەيءىن ينۆەستيسيا سالدى. ەكى كومپانيا دا CDIF ۇسىنعان ينۆەستيسياعا بيزنەستەرىن كەڭەيتۋدى، جۇمىس ورىندارىن اشۋدى جانە قازاقستانعا جاڭا تەحنولوگيالار اكەلۋدى جوسپارلاپ وتىر.
ەكى كاسىپورىن دا سەنىمدى بيزنەس تاجىريبەلەرىن، سونىڭ ىشىندە قازاقستان ەكونوميكاسىنا ەلەۋلى ەكونوميكالىق جانە الەۋمەتتىك ىقپال ەتۋ قابىلەتىن كورسەتە ءبىلدى.سونىمەن قاتار ولار CDIFء-تىڭ بارلىق تاڭداۋ كريتەرييلەرىنە سايكەس كەلدى.
«ءبىز وسى ينۆەستيسيالار تۋرالى قۋانىشپەن حابارلايمىز، ولار ءبىزدىڭ قوعامعا قىزمەت كورسەتەتىن، سونىڭ ىشىندە قىزمەتكەرلەردى وقىتۋ جانە ەلگە تەحنولوگيالار اكەلۋ سياقتى ۇلەس قوساتىن ەنەرگەتيكا مينيسترلىگى مەن «شيەۆرون» اراسىنداعى تابىستى ىنتىماقتاستىقتىڭ ايقىن مىسالى»، – دەيدى قازاقستان رەسپۋبليكاسى ەنەرگەتيكا ءمينيسترى الماسادام ساتقالييەۆ.
CDIF كومپانياسىنىڭ ماقساتى قازاقستان رەسپۋبليكاسى ەكونوميكاسىن دامىتۋعا ەلەۋلى ۇلەس قوسۋ. ول ءۇشىن سيفرلىق تەحنولوگيالار، قورشاعان ورتانى قورعاۋ، تاۋار ءوندىرۋ جانە مۇناي-گاز سالاسىنا قىزمەت كورسەتۋ سياقتى ءارتۇرلى سالالارداعى جەرگىلىكتى كوممەرسيالىق كاسىپورىندارعا جاڭا ينۆەستيسيالىق مۇمكىندىكتى قامتاماسىز ەتىلەدى.
«شيەۆرون» قازاقستان ەكونوميكاسىنا 30 جىل بويى ينۆەستيسيا سالا وتىرىپ، وسى ۇزاق مەرزىمدى سەرىكتەسىن ماقتان تۇتادى جانە ەل ەكونوميكاسىن دامىتۋعا بولاشاقتا دا ينۆەستيسيا سالۋعا نيەتتى. بۇل ينۆەستيسيالىق كەلىسىمشارتتار قازاقستاننىڭ ونەركاسىپتەرى مەن جەرگىلىكتى كاسىپورىندارىن دامىتۋعا بەلسەندى قولداۋ كورسەتۋ ءۇشىن كومپانيامىزدىڭ قوسار ۇلەسىنىڭ جاڭا ءبىر مەجەسىن بىلدىرەدى»، – دەيدى «شيەۆرون» كومپانياسىنىڭ ەۋرازيا بولىمشەسىنىڭ باسقارۋشى ديرەكتورى دەرەك ماگنەسc.
كومپانيا قازاقستاننىڭ ءارتۇرلى سالالارىنداعى كاسىپورىنداردى دامىتۋ ماقساتىندا ولارعا ينۆەستيسيا سالۋ مۇمكىندىكتەرىن ودان ءارى قاراستىرادى جانە كاسىپورىنداردى وسى دامۋ تاريحىنىڭ ءبىر بولشەگى بولۋعا شاقىرادى.
بۇل تۋرالى جانە تاڭداۋ كريتەرييلەرى، ينۆەستيسيالىق پروسەس جانە قارجىلاندىرۋعا ءوتىنىش بەرۋ تۋرالى اقپاراتتى تولىعىراق CDIF www.cdif.kz سايتىنان تابا الاسىزدار.
###
“شيەۆرون” تۋرالى
“شيەۆرون” – دۇنيەجۇزىندەگى جەتەكشى ينتەگراسيالانعان ەنەرگەتيكالىق كومپانيالاردىڭ ءبىرى. ءبىز ادامزات پروگرەسى ءۇشىن قولجەتىمدى، سەنىمدى جانە تازا ەنەرگيا قاجەت دەپ سانايمىز. ءبىز ادامزات پروگرەسى ءۇشىن قولجەتىمدى، سەنىمدى جانە تازا ەنەرگيا قاجەت دەپ سانايمىز. “شيەۆرون” مۇناي مەن تابيعي گاز شىعارادى، جانار-جاعارماي جانە مۇنايحيميا وندىرەدى، بيزنەس پەن ونەركاسىپتى جەتىلدىرەتىن تەحنولوگيالاردى دامىتادى. ءبىزدىڭ ماقساتىمىز مۇناي جانە گاز سالاسىنداعى ءداستۇرلى بيزنەسىمىزدى دامىتۋ، قىزمەتىمىزدەگى كومىرتەك شىعارىندىلارىن ازايتۋ جانە ادەتتەگى باعىتتارىمىزبەن قاتار جاڭعىرمالى وتىن، سۋتەك ءوندىرىسى، كومىرتەكتى ۇستاپ قالۋ، وففسەتتى پايدالانۋ جانە باسقا تەحنولوگيالار سياقتى بيزنەستىڭ جاڭا تومەن كومىرتەكتى باعىتتارىن دامىتۋ. “شيەۆرون” تۋرالى قوسىمشا اقپاراتتى www.chevron.comسايتىنان تابۋعا بولادى.
“Chevron Direct Investment Fund” جك «استانا» حالىقارالىق قارجىلىق ورتالىعىندا (احقو) تىركەلگەن جەكە كومپانيا. ولار “شيەۆرون” كومپانياسى قازاقستانداعى ءارتۇرلى سالالارداعى، سونىڭ ىشىندە اقپاراتتىق جانە سيفرلىق تەحنولوگيالار، قورشاعان ورتانى قورعاۋ، مۇناي جانە گاز سالاسىنداعى تاۋار ءوندىرۋ جانە قىزمەت كورسەتۋ سالالارىنداعى جەرگىلىكتى كاسىپورىندارعا ينۆەستيسيا سالۋ ارقىلى قازاقستان ەكونوميكاسىن دامىتۋدى قولداۋدى جوسپارلاۋعا كومەكتەسەتىن قۇرال. تولىعىراق اقپارات الۋ ءۇشىنwww.cdif.kz سايتىن قاراڭىز.
“Chevron Direct Investment Fund” جك – ۇجىمدىق ينۆەستيسيا سالۋ قورى ەمەس جانە ونىڭ احقو قارجىلىق قىزمەتتەردى رەتتەۋ جونىندەگى كوميتەتىنىڭ (Astana Financial Services Authority، AFSA) كەز كەلگەن قارجىلىق قىزمەتتى جۇرگىزۋگە ءتيىستى ليسەنزياسى جوق.
