ەيەلٸن ٶلتٸردٸ دەپ ايىپتالىپ وتىرعان قۋاندىق بيشٸمباەۆقا قاتىستى سوت وتىرىسى ەلٸ دە جالعاسىپ جاتىر. پروتسەسس بارىسىندا وقيعا بولعان كٷنٸ شاقىرتۋعا كەلگەن پوليتسەيدٸڭ جەتونىنان ۆيدەو كٶرسەتٸلٸپ جاتىر, - دەپ حابارلايدى Dalanews.kz.
استانا قالاسىنىڭ مامانداندىرىلعان اۋدانارالىق سوتىندا ٶتٸپ جاتقان سوت وتىرىسى بارىسىندا سالتانات نٷكەنوۆانىڭ سٸڭٸلٸسٸ, سونىمەن قاتار, وقيعا بولعان جەرگە شاقىرتۋعا كەلگەن جەدەل جەردەم قىزمەتكەرٸ مەن پوليتسييا جاۋاپ بەردٸ.
كادرلاردا پوليتسەيلەر بيشٸمباەۆتان جاۋاپ الىپ جاتقان سەت تە كٶرٸنەدٸ.
ۆيدەودا "تاڭعا دەيٸن ۇرىستىق" دەگەن داۋىستار ەستٸلەدٸ.
جەبٸرلەنۋشٸ تاراپ ٶكٸلٸ ايتبەك امانگەلدٸ ۆيدەوعا قاتىستى پٸكٸر بٸلدٸرٸپ, كادرلاردا بيشٸمباەۆ ٶزٸن قالىپتى ۇستاعانىن ايتادى.
ايتا كەتەيٸك, 27 ناۋرىزدا ەكس-مينيستر قۋاندىق بيشٸمباەۆتىڭ ٸسٸ بويىنشا القابيلەر تاڭدالعان ەدٸ. القابيلەر القاسىنا 12 ادام ٸرٸكتەلدٸ: 10 – نەگٸزگٸ قۇرام, 2 – قوسالقى. سودان كەيٸن اشىق سوت وتىرىستارى باستالدى.
سونىمەن قاتار, قۋاندىق بيشٸمباەۆ سوتتا سالتانات نٷكەنوۆانى اسا قاتىگەزدٸكپەن ٶلتٸرگەنٸن مويىندامادى. بۇل وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
سوت وتىرىستارىندا وقيعا بولعان كەزدٸڭ, دەلٸرەك, بيشٸمباەۆ سالتاناتتى شاشىنان سٷيرەپ, تەپكٸلەگەن سۇمدىق كادرلار كٶرسەتٸلدٸ.
ال بٷگٸن قۋاندىق بيشٸمباەۆ سالتانات نٷكەنوۆا قايتىس بولعان تٷنٸ نە ٷشٸن كٶرٸپكەلگە حابارلاسقانىن تٷسٸندٸردٸ. ونىڭ سٶزٸنشە, قايعىلى وقيعا بولعان تٷنٸ جەدەل جەردەم شاقىرۋدىڭ ورنىنا حابارلاسقان كٶرٸپكەل شىمكەنتتە تۇرادى.
"بيزنەسكە قاتىستى سۇراقتارعا بايلانىستى حابارلاسىپ تۇراتىنمىن. ونىڭ مەديتسينالىق بٸلٸمٸ بار-جوعىن بٸلمەيمٸن. وعان سەنەتٸنمٸن", - دەيدٸ بيشٸمباەۆ.
سونىمەن قاتار, ەكس-مينيستر قايعىلى وقيعا بولعان تٷنٸ نەلٸكتەن باسقا قالادا جٷرگەن كٶرٸپكەلگە حابارلاسقانىن ايتتى.
"سٸز (ادۆوكات - ەسك.) سالتانات مەديتسينالىق كٶمەككە زەرۋ بولىپ جاتقاندا دەيسٸز. مەنٸڭ تٷسٸنٸگٸمدە ول (سالتانات - ەسك.) ۇيىقتاپ جاتقان بولاتىن. مەن وعان (كٶرٸپكەلگە - ەسك.) سەنگەنمٸن دەپ ايتتىم. بەتٸندە سول جاعىندا كٶگەرٸپ تۇرعان جەر ٷلكەيە باستادى. ول قايدان شىققانىن سۇرايىن دەدٸم. كٶرٸپكەل "بەرٸ دۇرىس, كەشكە دەيٸن ۇيىقتاسىن, شارشاعان عوي" دەدٸ", - دەيدٸ بيشٸمباەۆ.
