قۋاندىق بيشٸمباەۆ سالتانات نٷكەنوۆانى قايعىلى وقيعا بولعان تٷنٸ ۆيدەوعا تٷسٸرٸپ, بٸر سۇراقتى 175 رەت قويعان, - دەپ حابارلايدى Dalanews.kz.
بۇل تۋرالى نٷكەنوۆانىڭ وتباسىنىڭ ادۆوكاتى ايتتى.
"سوت پروتسەسٸنە دايىندالۋ بارىسىندا نٷكەنوۆانىڭ تەلەفونىنداعى ۆيدەولاردى ساراپتادىم. 9 قاراشاعا قاراعان تٷندٸ ەسكە الساق, تٷسٸرٸلگەن ۆيدەولاردا ايىپتالۋشىنىڭ كٸنەسٸن انىق كٶرسەتەتٸن دەلەلدەر بار. وندا بيشٸمباەۆ 20 مينۋتتا 175 رەت "ايتشى, سەن رايىمبەك باتالوۆپەن بٸرگە بولدىڭ با (تٶسەك قاتىناسى)?" رەت سۇراعان", - دەيدٸ ادۆوكات.
ەسكە سالايىق, بۇعان دەيٸن بيشٸمباەۆ ٸسٸندە ەسٸمٸ اتالعان كەسٸپكەر رايىمبەك باتالوۆ مەلٸمدەمە جاساعان بولاتىن. سوت وتىرىستارىنىڭ بٸرٸندە ەكس-مينيستر قۋاندىق بيشٸمباەۆ "ەيەلٸن بۇرىن رايىمبەك ەسٸمدٸ تانىمال كەسٸپكەرمەن جاقىن قارىم-قاتىناستا بولعان" دەپ تە ايىپتادى. رايىمبەك باتالوۆ ٶز ەسٸمٸن دٷيٸم جۇرتتىڭ الدىندا قارالاعان بيشٸمباەۆتىڭ سوتتاعى ايعاقتارىنان كەيٸن مەلٸمدەمە جاساۋعا بەكٸنگەن.
سوت وتىرىسىندا سۋديا ايجان قۇلباەۆا بيشٸمباەۆتىڭ ۇيالى تەلەفونىنان سۇمدىق كادرلاردى زەردەلەپ شىقتى. ۆيدەولاردا بيشٸمباەۆ ەيەلٸن بالاعاتتاپ, قايتا-قايتا "رايىمبەك باتالوۆپەن تٶسەكتەس بولدىڭ با?" دەپ سۇراقتىڭ استىنا العانى ەستٸلەدٸ.
ال باتالوۆ سوت وتىرىسىنا قاتىستى سوڭىنا دەيٸن ٷن قاتقىسى كەلمەگەنٸن ايتتى. ونىڭ سٶزٸنشە, اتىنا نۇقسان كەلتٸرەتٸن سۇمدىق اقپاراتتار مەلٸمدەمە جاساۋعا مەجبٷر ەتكەن.
"اۋىر قىلمىس جاسادى دەگەن ايىپتالۋشىنىڭ ماعان قاتىستى ايتقانى - بوس ساندىراق, ٶتٸرٸك. سٸزدەردٸ بۇل ٶتٸرٸككە سەنبەۋگە, باق ٶكٸلدەرٸ مەن بلوگەرلەردٸ جالعان اقپارات تاراتپاۋعا شاقىرامىن. وسىنداي قايعىعا تاپ بولعان سالتاناتتىڭ تۋىستارى مەن جاقىندارى قىزىنىڭ ابىرويىن قورعاۋعا مەجبٷر بولعانى ٶتە ٶكٸنٸشتٸ. بۇل سۇمدىق. نٷكەنوۆتار وتباسىنا شىن جٷرەكتەن كٶڭٸل ايتامىن", - دەدٸ باتالوۆ.
بۇعان دەيٸن كەسٸپكەر رايىمبەك باتالوۆتىڭ ەيەلٸ لەنارا باتالوۆا دا بيشٸمباەۆ ٸسٸنە قاتىستى پٸكٸر بٸلدٸرگەن ەدٸ.
