بۇقارالىق اقپارات قۇرالدارىندا ەيەلٸن ۇرىپ ٶلتٸردٸ دەگەن ايىپ تاعىلىپ وتىرعان ەكس-مينيستر قۋاندىق بيشٸمباەۆتىڭ ٸسٸ بويىنشا القابيلەرگە ٷمٸتكەرلەرگە حابارلاما جٸبەرٸلٸپ جاتقانى تۋرالى اقپارات تارادى, - دەپ حابارلايدى Dalanews.kz.
Press.kz باسىلىمى مەلٸمەتٸنشە, 300 ادام القابيلەردٸ ٸرٸكتەۋگە شاقىرىلعانى تۋرالى حابارلاما العان, ول جابىق رەجيمدە ٶتەدٸ.
"بۇل تۋرالى بٸزگە اقپارات كٶزدەرٸ حابارلادى. ونىڭ ٸشٸندە سوڭعى قۇرامعا تەك 12 ادام كٸرەدٸ", - دەپ جازدى ارنا.
الدىن الا تىڭداۋدا سۋديا ايجان قۇلباەۆا سوتتالۋشى بيشٸمباەۆتىڭ ٶتٸنٸشٸ قاناعاتتاندىرىلاتىنىن, ياعني بۇل ٸسكە القابيلەر دە قاتىساتىنىن مەلٸمدەگەن ەدٸ. ال مەجٸلٸس دەپۋتاتى, زاڭگەر ابزال قۇسپان قوعامداعى القابيلەرگە قاتىستى الاڭداۋشىلىققا ەشقانداي سەبەپ جوق ەكەنٸن مەلٸمدەدٸ.
"مەنٸڭ ويىمشا, الاڭداۋعا ەشقانداي نەگٸز جوق. نەگە? القابيلەر دەگەنٸمٸز - ول دا وسى قوعامنىڭ ٶكٸلٸ. بۇل جەردە كەسٸبي سۋديا قاتىسادى. ون سۋديانىڭ بٸرٸ - كەسٸبي سۋديا, قالعانى القابيلەر قۇرامىندا. سۇراعىڭىزدىڭ تٶركٸنٸندە سىبايلاس جەمقورلىققا اپارىپ سوقتىرماي ما, قانداي دا بٸر جولمەن ساتىپ الۋ دەگەن سٶزدٸ ايتىپ وتىرسىز. بٸر ادامدى ساتىپ العان وڭاي ما, ون ادامدى ساتىپ العان وڭاي ما? قاراپايىم سۇراق. بٸر سۋدياعا سەنبەيتٸن بولساق, القابيلەرگە دە سەنبەيتٸن بولساق, ٷكٸمدٸ كٸم شىعارۋى كەرەك? قوعامنىڭ نازارىندا بولعاندىقتان, ەدٸلەتتٸ سوت اكتٸسٸ شىعاتىنىنا ٶز باسىم تولىق سەنەمٸن", - دەدٸ ول.
ايتا كەتەيٸك, سوت قۋاندىق بيشٸمباەۆتىڭ ٸسٸن پروكۋرورعا قايتارۋدان باس تارتتى.
ەسكە سالايىق, بىلتىر قۋاندىق بيشٸمباەۆ ەيەلٸ سالتانات نٷكەنوۆانى ٶلتٸردٸ دەگەن كٷدٸكپەن قاماۋعا الىنعان ەدٸ. وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
