بٷگٸن قاسىم-جومارت توقاەۆتىڭ قازاقستان پرەزيدەنتٸ قىزمەتٸنە كٸرٸسكەنٸنە التى جىل تولدى. وسى كەزەڭدە ەلدە بٸرقاتار ساياسي ٶزگەرٸس ورىن الدى. ساياساتتانۋشى نۇربولات نىشانباي بۇل كەزەڭدٸ ەكٸگە بٶلٸپ قاراستىرادى: 2022 جىلعى قاڭتار وقيعاسىنا دەيٸنگٸ جەنە ودان كەيٸنگٸ ۋاقىت. ونىڭ ايتۋىنشا, العاشقى ٷش جىلدا بيلٸك ساباقتاستىق قاعيداتى بويىنشا جۇمىس ٸستەسە, قاڭتار وقيعاسىنان كەيٸن تٷبەگەيلٸ رەفورمالار باستالدى, دەپ حابارلايدى Dalanews.kz.
“قاڭتارعا دەيٸنگٸ پرەزيدەنت توقاەۆتىڭ ۇستانىمى مەن باعىتى نازارباەۆ 2.0 فورماتىندا جالعاستى. سەبەبٸ سول كەزەڭدە نازارباەۆ پەن ونىڭ كومانداسىنىڭ ىقپالى ٶتە جوعارى بولدى. 2020 جىلعى پرەزيدەنت سايلاۋىندا توقاەۆتىڭ نەگٸزگٸ ۇراندارىنىڭ بٸرٸ "ساباقتاستىق" ەدٸ, جەنە 2022 جىلعا دەيٸن بيلٸك دەل وسى فورماتتا جۇمىس ٸستەدٸ. ال 2022 جىلدان باستاپ نەگٸزگٸ ساياسي ٶزگەرٸستەر ورىن الدى”, – دەيدٸ ساياساتتانۋشى.
نۇربولات نىشانباي 2022 جىلدان كەيٸنگٸ ٶزگەرٸستەر قاتارىندا "ەدٸلەتتٸ قازاقستان" تۇجىرىمداماسىن, حالىقتىڭ ٷنٸنە قۇلاق اساتىن ٷكٸمەت قۇرۋ باستاماسىن جەنە كونستيتۋتسييالىق رەفەرەندۋمدى ەرەكشە اتاپ ٶتتٸ. ونىڭ ايتۋىنشا, وسى ٶزگەرٸستەر بيلٸكتٸڭ تەڭگەرٸمدٸك جٷيەسٸن قالىپتاستىرىپ, پارلامەنتتٸڭ ىقپالىن ارتتىردى.
“بٸزدە العاش رەت دەموكراتييالىق جٷيە قالىپتاستىرۋعا العىشارتتار جاسالدى. مىسالى, پارتييالاردى تٸركەۋ ٷشٸن قاجەت قولداۋ داۋىستارىنىڭ ازايۋى, جاستار مەن ەيەلدەرگە ارنالعان كۆوتالاردىڭ ەنگٸزٸلۋٸ – ماڭىزدى قادامدار. سونداي-اق سوت جٷيەسٸندە رەفورما جٷرٸپ, اۋديتورلىق پالاتا قايتا قۇرىلدى”, – دەيدٸ ول.
ساياساتتانۋشىنىڭ پٸكٸرٸنشە, سوڭعى التى جىلدا ەكٸ مەرتە رەفەرەندۋم ٶتكٸزٸلگەنٸ دە ايرىقشا وقيعا.
“كونستيتۋتسييالىق رەفەرەندۋمدا 33%-عا ٶزگەرٸس ەنگٸزٸلدٸ, ال ەكٸنشٸ رەفەرەندۋم اەس سالۋ مەسەلەسٸنە ارنالدى”, – دەپ اتاپ ٶتتٸ ول.
نۇربولات نىشانباي توقاەۆ بيلٸگٸندەگٸ ماڭىزدى قادامداردىڭ بٸرٸ رەتٸندە پرەزيدەنتتٸك مەرزٸمدٸ جەتٸ جىلمەن شەكتەۋ باستاماسىن اتادى.
“بۇل ۇزاق مەرزٸمدٸ ستراتەگييالىق قادام. پرەزيدەنتتەر قايتا-قايتا سايلانىپ, كونستيتۋتسييانى ٶزگەرتۋگە ۇمتىلماۋى كەرەك”, – دەيدٸ ساراپشى.
ەكونوميكالىق دامۋ تۇرعىسىنان ول نازارباەۆ دەۋٸرٸنەن كەلە جاتقان ٷردٸستەر مەن گەوساياسي ٶزگەرٸستەردٸڭ ىقپالىن اتاپ ٶتتٸ. سونىمەن قاتار ٸشكٸ ساياساتتا كونستيتۋتسييالىق رەفورمالاردىڭ جٷزەگە اسقانىنا قاراماستان, سىن ەلٸ دە بار ەكەنٸن جەتكٸزدٸ.
“سىننىڭ بولۋى – زاڭدى. بٸراق ەڭ باستىسى, ناقتى ٶزگەرٸستەر ورىن الىپ جاتىر. مىسالى, ۇلتتىق قۇرىلتايدىڭ جاڭعىرۋى – توقاەۆتىڭ بيلٸك كەزەڭٸندە ەستە قالارلىق ماڭىزدى وقيعالاردىڭ بٸرٸ. پرەزيدەنت بۇل قۇرىلتايدى تٶرتٸنشٸ مەرتە ٶتكٸزٸپ وتىر. قۇرىلتاي – قوعاممەن ساناساتىن ماڭىزدى الاڭعا اينالدى”, – دەدٸ نۇربولات نىشانباي.
ساياساتتانۋشىنىڭ پٸكٸرٸنشە, الداعى ۋاقىتتا پارلامەنتتٸ ينستيتۋت رەتٸندە دامىتۋ قاجەت.
“پارلامەنتتەگٸ اقپاراتتىڭ اشىقتىعى مەن كەسٸبيلٸگٸن ارتتىرۋ كەرەك. قازٸرگٸ تاڭدا پارلامەنت پەن دەپۋتاتتار تۋرالى پوپۋليستٸك سىندار ايتىلىپ جٷر. سوندىقتان زاڭگەرلەر مەن ساياساتتانۋشىلاردىڭ ٷلەسٸن كٶبەيتۋ ماڭىزدى”, – دەيدٸ ول.
نۇربولات نىشانبايدىڭ پٸكٸرٸنشە, توقاەۆتىڭ بيلٸگٸ الداعى جٷز جىلدا دا تاريحي كەزەڭ رەتٸندە ەستە قالۋى مٷمكٸن.
