قۇقىق قورعاۋشى تاتيانا چەرنوبيل QazNews24 ساتيريكالىق پاراقشاسىنىڭ اۆتورى تەمٸرلان ەنسەبەكتٸڭ ٸسٸنە قاتىستى پٸكٸر بٸلدٸردٸ, دەپ حابارلايدى Dalanews.kz.
ايتۋىنشا, بۇل ٸس — زاڭ تەرتٸپسٸزدٸگٸنٸڭ كٶرٸنٸسٸ.
“قىلمىستىق كودەكستە ارازدىقتى قوزدىرۋ تۋرالى باپ بار, بٸراق ونى قولدانۋدا ەشقانداي تەرتٸپ جوق,” – دەپ جازدى چەرنوبيل ٶز پاراقشاسىندا.
ونىڭ ايتۋىنشا, بۇل باپ قوعامداعى تەرتٸپتٸ ساقتاۋ نەمەسە جەككٶرۋشٸلٸك نەگٸزٸندە جاسالاتىن قىلمىستاردان قورعاۋ ٷشٸن ەمەس, بيلٸككە ۇنامسىز ازاماتتاردى قۋدالاۋ ٷشٸن پايدالانىلىپ جاتىر.
“بۇل باپتىڭ قولدانىلۋى بٸرجاقتى. ول, ەدەتتە, قورعاۋعا مۇقتاج توپتاردىڭ مٷددەسٸنە قارسى جۇمىس ٸستەيدٸ,” – دەدٸ قۇقىق قورعاۋشى.
چەرنوبيل اتاپ ٶتكەندەي, تەمٸرلانعا تاعىلعان ايىپ ونىڭ ساتيريكالىق جارييالانىمىندا قولدانىلعان ەنگە بايلانىستى.
“تەمٸرلاندى باسقا اۆتوردىڭ مازمۇنى كٷمەندٸ ەنٸن ساتيريكالىق جارييالانىمدا قولدانعانى ٷشٸن ايىپتاپ وتىر. ال شاعىمدانۋشىنى اشۋلاندىرعان – ەننٸڭ ٶزٸ. بٸراق سوتتالايىن دەپ جاتقان – تەمٸرلان. بۇل ەدٸلەتسٸزدٸك ەمەس پە?” – دەپ سۇراق قويادى ول.
قۇقىق قورعاۋشىنىڭ ايتۋىنشا, قىلمىستىق كودەكستٸڭ 174-بابى ەكسترەميستٸك بولىپ سانالادى, ال سوتتالعاندارعا قوسىمشا جازالار تاعايىنداۋ تەجٸريبەسٸ كەڭ تارالعان.
“ەگەر تەمٸرلاندى كٸنەلٸ دەپ تانىسا, وعان بٸرنەشە جىل بويى قوعامدىق نەمەسە جۋرناليستٸك قىزمەتپەن اينالىسۋعا تىيىم سالۋى مٷمكٸن. بۇل بيلٸككە قارسى شىعىپ جٷرگەن ازاماتتارعا ارنالعان ارنايى جازا سيياقتى كٶرٸنەدٸ,” – دەدٸ چەرنوبيل.
سونىمەن قاتار, قۇقىق قورعاۋشى ەكسترەميستٸك باپتار بويىنشا سوتتالعانداردى “ەكسترەميزم مەن تەرروريزمدٸ قارجىلاندىرۋعا قاتىسى بار ۇيىمدار مەن ادامدار” تٸزٸمٸنە قوسۋ مەسەلەسٸنە توقتالدى. بۇل تٸزٸمگە ەنگەندەر ەكونوميكالىق بلوكاداعا ۇشىرايدى, ولاردىڭ بانكتٸك شوتتارى بۇعاتتالادى, نوتاريۋستىڭ قىزمەتتەرٸن پايدالانۋ جەنە قارجىلىق وپەراتسييالار جٷرگٸزۋ مٷمكٸندٸگٸنەن ايىرىلادى.
چەرنوبيل داۋعا سەبەپ بولعان ەن تۋرالى دا پٸكٸر بٸلدٸردٸ.
“اتالعان ەن 2000 جىلداردان بەرٸ بار. ول العاشىندا تەك قازاق تٸلدٸ ورتادا تارالعان ەدٸ. الايدا رەسەي مەن ۋكراينا اراسىنداعى سوعىس باستالعاننان كەيٸن ورىس تٸلدٸ اۋديتورييا اراسىندا دا كەڭ تارالىپ, شوۆينيستٸك مازمۇنىمەن جيٸ سىنعا ٸلٸكتٸ. دەگەنمەن, بۇل ەننٸڭ قازاقستاندا ورىندالۋىنا رەسمي تىيىم سالىنباعان, بٸراق ونى پايدالانعاندارعا جازا قولدانىپ جاتىر,” – دەيدٸ ول.
ەسكە سالايىق, 18 قاڭتاردا تانىمال Qaznews24 ساتيرالىق پاراقشاسىنىڭ اۆتورى تەمٸرلان ەڭسەبەك ەكٸ اي مەرزٸمگە قاماۋعا الىنعان ەدٸ.
بەلگٸلٸ زاڭگەر جانار بالعاباەۆانىڭ ايتۋىنشا, تەمٸرلان ەڭسەبەكتٸڭ قامالۋىنا "يوۋ, ورىستار" دەگەن ەن تٷرتكٸ بولعان. ەڭسەبەك بۇل ەندٸ رەسەيلٸك تەلەجٷرگٸزۋشٸ تينا كاندەلاكي تۋرالى پوستىنا قوسقان, ەندە بالاعات سٶزدەر بار.
ول 174-باپ "ەلەۋمەتتٸك, ۇلتتىق, رۋلىق, نەسٸلدٸك, تاپتىق نەمەسە دٸني الاۋىزدىقتى قوزدىرۋ" بويىنشا ايىپتالىپ وتىر. تەمٸرلان ەڭسەبەك 2 جىلدان 7 جىلعا دەيٸن باس بوستاندىعىنان ايىرىلۋى مٷمكٸن.
