تەڭٸز دەڭگەيٸنەن 3010 مەتر بيٸكتٸكتەگٸ شىڭعا ەلۋدەن اسا ادام شىقتى, ال بۇل شاراعا جالپى 200 دەن استام ادام قاتىستى. شىڭنىڭ بيٸكتٸگٸنە بايلانىستى قالعان ادامدار شىڭعا جەتە الماسا دا, قولداۋلارىن بٸلدٸرٸپ تاۋدىڭ جارىم بەلٸنەن استام جەرگە دەيٸن كٶتەرٸلدٸ. وسىنشاما ادامنىڭ جينالعانى ۇلت كٶسەمٸنە دەگەن حالىقتىڭ زور ىقىلاسى بولسا كەرەك-تٸ.
قر ونوماستيكالىق كوميسسيياسىنا ۇسىنىس حاتپەن بٸرگە بٷگٸنگٸ كٶپشٸلٸكتٸڭ جاساعان ۇسىنىسىنىڭ ۆيدەو نۇسقاسىن دا جٸبەرەتٸن بولدى. جينالعانداردىڭ ورتاسىندا تۇرىپ احمەتبەك نۇرسيلا:
«قازاقستان رەسپۋبليكاسىنىڭ اناميستيكالىق كوميسسيياسىنا ٶتٸنٸش جەنە ۇسىنىس: بيىل ەليحان بابامىزدىڭ تۋعانىنا 150 جىل ەكەن. ەليحان بابامىزدىڭ قازاق حالقىنا سٸڭٸرگەن وراسان زور ەڭبەگٸن ەربٸر قازاق بٸلەدٸ, سوندىقتان الاتاۋدىڭ وسى بٸر شىڭىن (بۇرىن فۋرمانوۆ شىڭى دەپ اتالعان), قازٸر ەليحان بٶكەيحان شىڭى دەپ اتاۋعا «ساپالى قازاق» دەگەن بٸر توپ قازاقستاندىقتاردىڭ اتىنان ٶتٸنٸش تاستايمىز!
جەنە دە, وسى تاۋعا بيٸككە جەتە الماي قالعان تٶمەندە جٷزدەن استام ادام بار. تاعى قازاقستاننىڭ تٷكپٸر-تٷكپٸرٸنەن وسىعان «يە» دەپ جاۋاپ بەرٸپ قول قويعان 5 مىڭنان استام ادامدار بار. سونى بٸز سٸزدەرگە حات جٷزٸندە اپارىپ تاپسىرامىز. قازاقتىڭ الاتاۋى قازاقتىڭ ۇلىلارىنىڭ اتتارىن بەرۋگە لايىق دەپ سانايمىز. سولاي ما, جٸگٸتتەر?» دەپ ۇسىنىس مەتٸنٸن ايتىپ, بٸزگە سۇراق تاستاپ سٶزٸن اياقتادى.
سونىمەن بٸرگە, «ەليحان بٶكەيحان شىڭىندا» وتىرىپ, ۇلت كٶسەمٸ ەليحان بٶكەيحانعا جەنە بارشا الاش ارىستارىنا ارناپ قۇران باعىشتادىق.
ەستەرٸڭٸزدە بولسا, بۇعان دەيٸن الماتى قالاسىنداعى فۋرمانوۆ كٶشەسٸن ەليحان بٶكەيحانعا اۋىستىرۋ تۋرالى ۇسىنىس جاسالعان بولاتىن. ال قازٸرگە رەسمي بيلٸك جاعىنان ەشقانداي ٷن جوق. بۇل ۇسىنىس شەشٸمٸن تابار دەپ ٷمٸتتەنەمٸز. ەگەر, تٸپتٸ شەشٸم تاپپاي جاتسا دا, بٸز ٷشٸن بٷگٸننەن باستاپ بۇل شىڭ ەليحان بٶكەيحان شىڭى بولىپ سانالادى. بٸز بٷگٸن «ەليحان بٶكەيحان شىڭىن» الدىق, ەندٸگٸ كەزەك كٶشەسٸن الۋ. بابامىزدىڭ تويىندا مۇنداي سىي جاساي الماساق, بٸزدٸڭ كٸم بولعانىمىز, بيلٸكتٸڭ كٸم بولعانى? بٷگٸنگٸ ۇرپاق الاش رۋحىمەن رۋحتانباي, بولاشاققا سارا جول سالا الماس.
تۇردىبەك قۇرمەتحان
