سوڭعى ٷش جىلدا جەتٸسۋ وبلىسىنداعى كەربۇلاق اۋدانىندا 260 تۇرعىن باسپاناعا يە بولسا, بيىل تاعى 368 ٷي بەرٸلەدٸ. سولاردىڭ ٸشٸندە اپاتتى ٷيلەردٸڭ تۇرعىندارى دا بار. وسى شارالاردىڭ نەتيجەسٸندە جىل سوڭىنا قاراي تۇرعىن ٷي كەزەگٸ 28%-عا قىسقارادى دەپ كٷتٸلۋدە. بۇل تۋرالى اۋدان تۇرعىندارىمەن كەزدەسۋ بارىسىندا ايتىلدى,- دەپ حابارلايدى Dalanews.kz جەتٸسۋ وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
- بيىل جىل سوڭىندا پايدالانۋعا بەرٸلەتٸن 60 پەتەرلٸك ەكٸ بەس قاباتتى تۇرعىن ٷيدٸڭ بٸرٸ نەسيەلٸك ٷي رەتٸندە, ەكٸنشٸسٸ اپاتتى جاعدايداعى تۇرعىن ٷيلەردە تۇراتىن ازاماتتاردى كٶشٸرۋ ماقساتىندا سالىنىپ وتىر. سونىمەن قاتار وسى جىلى ەلەۋمەتتٸك جاعىنان از قامتىلعان وتباسىلارعا تابىستاۋ ٷشٸن جىل اياعىنا دەيٸن 188 تۇرعىن ٷي ساتىپ الامىز. بۇدان بٶلەك كەزەكتە تۇرعان وسى ساناتتاعى وتباسىلارعا ارناپ 60 پەتەرلٸ تۇرعىن ٷي سالىنىپ جاتىر, قازان ايىندا تابىستالادى, - دەگەن وبلىس ەكٸمٸنٸڭ بٸرٸنشٸ ورىنباسارى ەلٸبەك جاقانباەۆ تۇرعىن ٷي بەرۋ فۋنكتسيياسى جەرگٸلٸكتٸ ارتقارۋشى ورگاننان "وتباسى بانككە" بەرٸلگەنٸن اتاپ ٶتتٸ.
بايانداماسىن جالعاستىرعان ول اۋدانداعى ينفراقۇرىلىمدى دامىتۋ مەسەلەلەرٸنە توقتالدى. بۇل رەتتە سارىٶزەك اۋىلىنداعى اۋىز سۋ پروبلەماسى جىلدار بويى ٶزەكتٸ بولىپ كەلگەن. قازٸر اۋىز سۋ جٷيەسٸن جاڭعىرتۋدىڭ 5-شٸ كەزەڭٸ جٷرٸپ جاتىر. بٷگٸنگٸ كٷنٸ 98 شاقىرىم سۋقۇبىرى جٷيەسٸنٸڭ 50 شاقىرىمى اۋىستىرىلىپ, 98 قۇدىق ورناتىلدى. جوبا اياقتالعاندا اۋىز سۋ مەسەلەسٸ تولىق شەشٸلەدٸ. ٶتكەن جىلى قارىمساق, شاعان, قاراشوقى اۋىلدارىنداعى سۋ جٷيەسٸ قايتا جاڭعىرتىلىپ, ەلدٸ مەكەن تۇرعىندارى تازا اۋىز سۋعا قول جەتكٸزدٸ. ال بيىل اقباستاۋ, تاستىٶزەك اۋىلدارىندا دا وسىنداي جۇمىستار جٷرگٸزٸلۋدە, جوبا كەلەسٸ جىلى اياقتالادى.
اۋداننىڭ ەلەۋمەتتٸك ينفراقۇرىلىمىن دامىتۋعا دا كٶپ كٶڭٸل بٶلٸنەدٸ. بٸلٸم بەرۋ سالاسىندا بيىل قوعالى, جاڭالىق اۋىلدارىنىڭ مەكتەپتەرٸنە اعىمداعى جٶندەۋ جۇمىستارى جٷرگٸزٸلٸپ, كٶكساي اۋىلىندا 60 ورىندىق مەكتەپ سالىنۋدا. شانحاناي, قاراعاش جەنە سارىٶزەك اۋىلدارىنا وقۋشىلار تاسىمالداۋ ٷشٸن 3 اۆتوبۋس بەرٸلدٸ.
دەنساۋلىق ساقتاۋ سالاسىندا بىلتىر سارىٶزەك اۋىلىندا 250 ادام قابىلدايتىن ەمحانا قولدانىسقا بەرٸلٸپ, ونجاس, كٶكساي, رۋدنيك-ارقارلى, جولامان, قازانسۋ, قارلىعاش, تاستىباستاۋ, قىزىلمەكتەپ اۋىلدارىندا مەديتسينالىق پۋنكتتەر ورناتىلسا, جىل سوڭىنا دەيٸن كٶكتال اۋىلىندا مەدپۋنكت, سارىٶزەك اۋىلىندا جەدەل جەردەم ستانتسيياسى اشىلادى. «اۋىلداعى دەنساۋلىق ساقتاۋدى جاڭعىرتۋ» ۇلتتىق جوباسى اياسىندا اۋداندا 17 نىسان سالىنۋدا, اتاپ ايتقاندا, 9 دەرٸگەرلٸك امبۋلاتورييا, 6 فەلدشەرلٸك-اكۋشەرلٸك جەنە 2 مەديتسينالىق پۋنكت جىل سوڭىنا دەيٸن پايدالانۋعا بەرٸلەدٸ, ال «اۋىل – ەل بەسٸگٸ» باعدارلاماسى اياسىندا كٶكسۋ, شانحاناي, تالدىبۇلاق اۋىلدارىندا دەرٸگەرلٸك امبۋلاتورييالار بوي كٶتەرۋدە. قۇرىلىس جۇمىستارى جىل سوڭىنا دەيٸن اياقتالادى. سونىڭ نەتيجەسٸندە سوڭعى ەكٸ جىلدا اۋداننىڭ 63 ەلدٸ مەكەنٸنٸڭ 30-ىندا دەنساۋلىق ساقتاۋ ينفراقۇرىلىمى جاڭارتىلادى. تاعى دا بٸر ايتا كەتەرلٸگٸ, اۋداندىق اۋرۋحانانى قايتا جاڭعىرتۋعا ارنايى مەملەكەتتٸك قوردان قارجى بٶلٸندٸ, جۇمىستارىن كەلەسٸ جىلى اياقتاۋ جوسپارلانعان.
مەدەنيەت سالاسىنا كەلسەك, بىلتىر شۇبار, قويانكٶز اۋىلدارىندا بلوكتى-مودۋلدٸ كلۋب ورناتىلىپ, قوعالى اۋىلىنىڭ مەدەنيەت ٷيٸ كٷردەلٸ جٶندەۋدەن ٶتتٸ. ال بيىل سارىٶزەك اۋىلىندا كٸتاپحانانىڭ قۇرىلىسى جٷرگٸزٸلۋدە, كەلەسٸ جىلى ٸسكە قوسىلادى.
جالپى ەسەپتٸك كەزدەسۋ بارىسىندا اۋدان حالقىنىڭ تۇرمىس ساپاسىن جاقسارتۋ باعىتىندا قابىلدانىپ جاتقان شارالارعا جەنە ەلەۋمەتتٸك-ەكونوميكالىق دامۋدىڭ نەگٸزگٸ باعىتتارىنا باسا نازار اۋدارىلدى.
كەزدەسۋ بارىسىندا اۋىل تۇرعىندارى ٶزدەرٸن تولعاندىرعان سۇراقتارىن قويىپ, ۇسىنىس-تٸلەكتەرٸن جەتكٸزدٸ.
باسشي وكرۋگٸنٸڭ تۇرعىندارىن كٶشە جارىعى مەسەلەسٸ الاڭداتادى. جيىندا اتالعان وكرۋگكە قارايتىن باسشي, نۇرىم, اقتٶبە اۋىلدارىندا بۇل مەسەلەنٸ شەشۋ ٷشٸن جوبالىق-سمەتالىق قۇجاتتاما ەزٸرلەنگەنٸ ايتىلدى.
قارىمساق اۋىلىنىڭ تۇرعىنى اۋىلدىڭ باستى كٶشەلەرٸندە اسفالتتىڭ جوقتىعىنا شاعىمداندى. وسىنداي مەسەلە تالدىبۇلاق اۋىلدىق وكرۋگٸنەن كەلگەن بولات اسانوۆ تاراپىنان دا كٶتەرٸلدٸ. بۇل رەتتە جولداردى جٶندەۋ جۇمىستارى كەزەڭ-كەزەڭٸمەن جٷزەگە اسىرىلاتىنى حابارلاندى.
سونىمەن قاتار بوستان اۋىلىنداعى شاياحمەتوۆ كٶشەسٸنٸڭ جٶندەۋ جۇمىستارىن كەلەسٸ اپتادا باستاۋ جوسپارلانعان. جەنە دە قاراشوقى اۋىلىنا اپاراتىن كٸرەبەرٸس جولدىڭ جٶندەۋٸن قازان ايىنا دەيٸن اياقتاۋ تاپسىرىلدى.
سارىبۇلاق اۋىلى ماڭىنداعى 2-شٸ فەرما تۇرعىنى ابدۋل كونچيەۆ اۋىز سۋ جەنە بايلانىس مەسەلەلەرٸن كٶتەردٸ. اتالعان اۋماق فازەندا سانالادى, وندا 9 ٷي ورنالاسقان, بىلتىر ەلەكتر ەنەرگيياسى مەسەلەسٸ شەشٸلگەننەن كەيٸن, بيىل بۇل جەرگە سۋ دا تارتىلدى. ەندٸ دەمەۋشٸنٸڭ ەسەبٸنەن ٸستەن شىققان سۋ سورعىسى مەن قاجەتتٸ جابدىقتار ساتىپ الىنىپ, جاقىن ارادا اۋىز سۋ مەسەلەسٸ شەشٸمٸن تاباتىن بولادى.
اۋدان تۇرعىندارىن قويانكٶز, مالايسارى اۋىلدارىندا سپورت كەشەندەرٸنٸڭ قۇرىلىسى, مەملەكەتتٸك تۇرعىن ٷي قورىنان باسپانا بٶلۋ, اۋىز سۋمەن ٷزدٸكسٸز قامتاماسىز ەتۋ, مەديتسينادا سالالىق مامانداردىڭ جەتٸسپەۋشٸلٸگٸ, كەرٸز جٷيەلەرٸن جٶندەۋ جەنە سالۋ سيياقتى مەسەلەلەر دە تولعاندىردى.
كەزدەسۋدە جالپى سانى 20-دان استام سۇراق قويىلىپ, ولاردىڭ بارلىعىنا جاۋاپتى تۇلعالار تاراپىنان ناقتى تٷسٸنٸكتەمەلەر بەرٸلدٸ.
ە. جاقانباەۆ ٶز سٶزٸندە وبلىس ەكٸمٸنٸڭ تاپسىرماسىنا سەيكەس ەڭ الدىمەن حالىقتى اۋىز سۋمەن, ساپالى مەديتسينالىق قىزمەتپەن, جولمەن, تۇرعىن ٷيمەن جەنە گازبەن قامتاماسىز ەتۋ مەسەلەلەرٸ شەشٸلٸپ جاتقانىن ايتتى. سونىمەن قاتار ٶزگە دە تۋىنداعان مەسەلەلەر ٶڭٸردٸ دامىتۋ جوسپارىنا سەيكەس كەزەڭ-كەزەڭٸمەن شەشٸلەتٸن بولادى.
سول كٷنٸ ازاماتتاردى جەكە مەسەلەلەرٸ بويىنشا قابىلداۋ ٶتكٸزٸلدٸ. ونىڭ بارىسىندا تۇرعىندار نەگٸزٸنەن جەر جەنە تۇرعىن ٷي مەسەلەلەرٸن كٶتەردٸ.
مەسەلەن, سارىٶزەك اۋىلىنىڭ تۇرعىنى راشيدا دەۋلەتوۆا سارىٶزەك اۋىلىنداعى گازبەن قامتىلماعان ٷيلەردٸڭ قاشان گازداندىرىلاتىنىن سۇرادى. بۇل مەسەلەگە قاتىستى بۇرىن گاز جەلٸسٸ تارتىلماعان ٷيلەرگە گاز قۇبىرىن جٷرگٸزۋ كەلەسٸ جىلدىڭ ٸ جارتىسىندا اياقتالادى دەپ جوسپارلانعانى ايتىلدى.
