بيىل جەتٸسۋ وبلىسىندا 41 مىڭنان استام وقۋشىنىڭ مەكتەپكە جينالۋىنا كٶمەك كٶرسەتٸلەدٸ. سونىڭ ٸشٸندە ەلەۋمەتتٸك جاعدايى تٶمەن وتباسىنان شىققان 25 مىڭداي بالاعا جالپى بٸلٸم بەرۋ قورىنان جەردەم جاسالسا, 16 650 بالاعا «مەكتەپكە جول» رەسپۋبليكالىق اكتسيياسى اياسىندا قولداۋ كٶرسەتٸلمەك,- دەپ حابارلايدى Dalanews.kz
وبلىستىق بٸلٸم باسقارماسىنىڭ مەلٸمەتٸنە قاراعاندا, جەتٸسۋ وبلىسىندا ەلەۋمەتتٸك جاعدايى تٶمەن وتباسىنداعى 25 مىڭداي بالاعا مەكتەپ فورماسى مەن كەڭسە تاۋارلارىن الۋعا
1,1 ملرد. تەڭگە بٶلٸنگەن. بٷگٸنگٸ كٷنٸ اتالعان قاراجات اتا-انالاردىڭ جەكە ەسەپ شوتتارىنا تولىعىمەن اۋدارىلدى.
سول سيياقتى وبلىستا رەسپۋبليكالىق «مەكتەپكە جول» اكتسيياسى اياسىندا تامىز ايىنىڭ العاشقى جارتىسىندا 8400-دەن استام بالاعا كٶمەك كٶرسەتٸلدٸ, اتاپ ايتقاندا مەكتەپ فورماسى, اياق كيٸم, كەڭسە تاۋارلارى بەرٸلدٸ. جالپى 16 650 بالا كٶمەكپەن قامتىلادى دەپ جوسپارلانعان. قايىرىمدىلىق كٶمەك شاراسىنا كەسٸپكەرلەر, ەتنو-مەدەني بٸرلەستٸكتەر, ٷكٸمەتتٸك ەمەس ۇيىمدار ت.ب. بەلسەنە اتسالىسۋدا. اكتسييا 30 قىركٷيەككە دەيٸن جالعاسادى.
«اتا-انالاردىڭ نارىقتاعىدان تٶمەن باعادا مەكتەپ فورمالارى مەن كەڭسە تاۋارلارىن ساتىپ الۋى ٷشٸن ارنايى مەكتەپ جەرمەڭكەلەرٸ ۇيىمداستىرىلۋدا. اتاپ ايتقاندا, تالدىقورعان جەنە تەكەلٸ قالالارىندا ورتالىق ارباتتا, كٶكسۋ اۋدانىندا بالپىق بي اۋىلىندا قابان جىراۋ كٶشەسٸ, 17-ٷيدە ورنالاسقان «داستان» ساۋدا ٷيٸنٸڭ الدىندا, قاراتال اۋدانى ٷشتٶبە قالاسىندا جەلتوقسان كٶشەسٸ, 1 مەكەنجايىنداعى «بەيتەرەك» ساۋدا ٷيٸنٸڭ الدىندا, سارقان اۋدانى سارقان قالاسى تىنىشپاەۆ كٶشەسٸندەگٸ ورتالىق الاڭدا وسىنداي جەرمەڭكەلەر ٶتٸپ جاتىر. الداعى ۋاقىتتا اقسۋ اۋدانى جانسٷگٸروۆ اۋىلىنداعى, ەسكەلدٸ اۋدانى قارابۇلاق اۋىلىنداعى ورتالىق بازارلاردا, الاكٶل اۋدانى ٷشارال قالاسىندا د. قوناەۆ كٶشەسٸ, 73 مەكەنجايىندا ورنالاسقان «دوستىق» ساۋدا ٷيٸنٸڭ الدىندا, كەربۇلاق اۋدانى سارىٶزەك اۋىلى مومىشۇلى كٶشەسٸندەگٸ ورتالىق الاڭدا, پانفيلوۆ اۋدانى جاركەنت قالاسىنداعى مەدەنيەت ٷيٸنٸڭ الدىندا مەكتەپ جەرمەڭكەلەرٸن ۇيىمداستىرۋ جوسپاردا بار», - دەلٸنگەن وبلىستىق بٸلٸم باسقارماسىنىڭ حابارلاماسىندا.
جالپى, جەتٸسۋ وبلىسى جاڭا وقۋ جىلىن 130 مىڭنان استام وقۋشىمەن باستاسا, سونىڭ 13 مىڭعا جۋىعى بٸرٸنشٸ سىنىپ وقۋشىلارى بولماق.
