– اپتا سايىن تۇراقتى تۇردە ازاماتتاردى قابىلداپ، اۋداندار مەن ەلدى مەكەندەردى ارالاپ، تۇرعىندارمەن كەزدەسەمىز. وسىعان دەيىن ايتقانىمداي، قالا تۇرعىندارىنان كەلىپ تۇسەتىن نەگىزگى سۇراقتاردىڭ ءبىرى – تۇرعىن ءۇي ماسەلەسى. مەملەكەت باسشىسى قاسىم-جومارت توقايەۆتىڭ تاپسىرماسىنا سايكەس بۇگىندە الەۋمەتتىك پاتەرلەردى سالۋ كولەمى ەداۋىر ارتتى. تۇرعىن ءۇي باعدارلامالارىنا قاتىسۋشىلار ساناتى كەڭەيتىلدى، جاستارعا ارنالعان ارنايى تۇرعىن ءۇي باعدارلاماسى ەنگىزىلدى، تۇرعىن ءۇي سەرتيفيكاتىنىڭ سوماسى ۇلعايدى، – دەدى التاي كولگىنوۆ.
ءوز كەزەگىندە ەلوردا اكىمى قالادا جوعارى ءبىلىم الۋ دا جۇيەلى ماسەلەلەردىڭ ءبىرى ەكەنىن ايتا كەلە، الداعى جاڭا وقۋ جىلىندا اكىمدىك پەداگوگيكالىق جانە مەديسينالىق ماماندىقتار بويىنشا جوعارى ءبىلىم الۋعا جالپى سانى 1300 گرانت ءبولۋدى جوسپارلاپ وتىرعانىن جەتكىزدى. بولاشاقتا گرانت يەلەرى وقۋىن ءتامامداعاننان كەيىن قالاداعى دەنساۋلىق ساقتاۋ مەكەمەلەرىنە بىردەن جۇمىسقا ورنالاساتىن بولادى.
– وزدەرىڭىز بىلەتىندەي، مەملەكەت باسشىسى ۇستازدار مەن مەديسينا قىزمەتكەرلەرىنە جاعداي جاساۋعا جانە ولارعا قولداۋ كورسەتۋگە ەرەكشە كوڭىل بولىنۋدە. دارىگەرلەردىڭ جالاقى مولشەرى ارتىپ، بىلىكتىلىكتى ارتتىرۋ باعدارلامالارى ەنگىزۋدەمىز. وسىنداي ىرگەلى جۇمىستاردىڭ اراسىندا مەديسينالىق جانە ءبىلىم بەرۋ ورتالىقتارىنىڭ جەلىسى كەڭەيۋدە، – دەيدى ەلوردا اكىمى.
