ونەركاسىپ كاسىپورىندارىندا 4 ملرد. 219 ملن. تەڭگەنىڭ ءونىمى ءوندىرىلىپ، ونەركاسىپ ءونىمىنىڭ ناقتى كولەم يندەكسى 100،7 پايىزدى قۇرادى. بۇل 2017 جىلمەن سالىستىرعاندا 183 ملن. تەڭگەگە ارتىق.
2018 جىلى جالپى قۇنى 1 ملرد. 610 ملن. تەڭگەلىك 7 جوبا ىسكە اسىرىلىپ، 152 جۇمىس ورىندارىنىڭ اشىلۋى جوسپارلانعان.
2018 جىلدىڭ 10 ايىندا وڭىرلەر كاسىپكەرلىگىن قولداۋ كارتاسى اياسىندا قۇنى 250 ملن. تەڭگەلىك 1 جوبا ىسكە قوسىلىپ، جاڭادان 50 جۇمىس ورنى اشىلدى.
وڭىرلەر كاسىپكەرلىگىن قولداۋ كارتاسى اياسىندا قالادا «ارىس مينەرالدى سۋ» جشس-گى قۇنى 250 ملن. تەڭگەلىك، 50 جۇمىس ورنىن قۇرايتىن، جىلىنا 18 ملن. ليتر مينەرالدى سۋ جانە باسقا دا الكوگولسىز سۋسىندار شىعاراتىن سەحى ىسكە قوسىلدى.
ال وڭىرلەر كاسىپكەرلىگىن قولداۋ كارتاسىنان تىس جوبالار اياسىندا قۇنى 1 ملرد. 360 ملن. تەڭگەلىك 6 جوبانىڭ ەسەبىنەن جاڭادان 102 جۇمىس ورىندارىنىڭ اشىلۋى جوسپارلانسا، ونىڭ ىشىندە: قۇنى 245،0 ملن. تەڭگەلىك 4 جوباسى ىسكە قوسىلىپ، ولاردا 85 جۇمىس ورىندارى اشىلدى.
الداعى ۋاقىتتا ارىس قالاسىندا كەرامزيت وندىرەتىن كىرپىش زاۋىتىن سالۋ جوسپارلانۋدا.
«سىم-تاس» جاۋاپكەرشىلىگى شەكتەۋلى سەرىكتەستىگى قۇرىلىس ماتەريالدارىن، اتاپ ايتقاندا كەرامزيت جانە ودان دايىندالاتىن كىرپىش ونىمدەرىن ءوندىرۋدى جوسپارلاپ وتىر. بۇگىنگى تاڭدا مونتايتاس اۋىلدىق وكرۋگى اۋماعىنان كەڭ تارالعان پايدالى قازبا، بەتونيت كەن ورنىنىڭ قۇجاتتارى ازىرلەنۋدە.
ارىس قالاسىنىڭ وڭتۇستىك مولتەك اۋدانىنان 2019-2020 جىلدارى شەتەلدىك جانە جەرگىلىكتى كومپانيالار بىرلەسىپ، جىلىنا 12،0 مىڭ دانا تولىق سيكلدى ۆاگوندار شىعاراتىن، جالپى قۇنى 82،0 ملرد. تەڭگەنى قۇرايتىن زاۋىت سالۋ جوسپارلانۋدا.
اتالعان جوبا اياسىندا 1500-گە جۋىق ادام جۇمىسپەن قامتىلادى. بۇگىنگى تاڭدا اتالعان جوبانى ىسكە اسىرۋعا جەرگىلىكتى «ستۋ-يۋگ» جاۋاپكەرشىلىگى شەكتەۋلى سەرىكتەستىگىنە 5 گا جەر تەلىمى بەرىلدى. الداعى ۋاقىتتا 30 گا جەر تەلىمى قوسىمشا بەرىلەتىن بولادى.
قۇرىلىس جۇمىستارىن كەلەسى جىلى جۇرگىزۋدى جوسپارلاۋدا.
جالپى 3613 بىرلىك شاعىن جانە ورتا كاسىپكەرلىك سۋبەكتىلەرى تىركەلگەن.
ونىڭ ىشىندە جۇمىس ىستەپ تۇرعانى 3137 سۋبەكتىنى قۇراپ وتكەن جىلدىڭ ءتيىستى كەزەڭىمەن سالىستىرعاندا 106،3 پايىزعا نەمەسە 185 بىرلىككە ارتتى
شاعىن جانە ورتا كاسىپكەرلىك سۋبەكتىلەرىمەن وندىرىلگەن ءونىمىنىڭ جانە ۇسىنىلعان قىزمەتتەرىنىڭ كولەمى 20 ملرد. 457 ملن. تەڭگەگە جەتىپ،
2017 جىلدىڭ 10 ايىمەن سالىستىرعاندا 116 پايىزعا ارتتى نەمەسە 2 ملرد. 805 ملن. تەڭگەگە ارتىق ءونىم وندىرىلگەن.
قازاقستان پرەزيدەنتى نۇرسۇلتان نازاربايەۆتىڭ «پرەزيدەنتتىڭ بەس الەۋەتتىك باستاماسى» اتتى حالىققا ۇندەۋىنىڭ 4ء-شى باستاماسى «شاعىن نەسيە بەرۋدى كوبەيتۋ» بويىنشا شاعىن نەسيە ۇيىمدارى ارقىلى 2748 ادامعا بارلىعى 1 ملرد. 529 ملن. تەڭگە نەسيە بەرىلسە، ونىڭ ىشىندە مەملەكەتتىك باعدارلامالار اياسىندا قارجى ۇيىمدارى ارقىلى 76 ادامعا 426 ملن. تەڭگەگە نەسيە بەرىلگەن.
ارىس قالاسى اكىمىنىڭ باسپا ءسوز قىزمەتى
