اعىمداعى جىلى 5434 ادامدى «ناتيجەلى جۇمىسپەن قامتۋ» جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىنا تارتۋ ارقىلى جۇمىسپەن قامتۋ كوزدەلگەن. اعىمداعى جىلدىڭ 10 ايىندا 4872 ادام جۇمىسپەن قامتۋدىڭ بەلسەندى ءىس شارالارىنا قاتىستىرىلىپ، جىلدىق جوسپار 89،7% ورىندالدى.
اتاپ ايتقاندا، 1428 جۇمىسسىز ازاماتتار، 1642 ناتيجەسىز جۇمىسپەن قامتىلعاندار جانە 1802 جۇمىس ىزدەۋشىلەر باعدارلاماعا تارتىلعان.
باعدارلامانىڭ I باعىتى بويىنشا قىسقا مەرزىمدى وقىتۋعا 2018 جىلى 340 ادامدى جولداۋ جوسپارلانسا، جىل باسىنان 8 ماماندىق بويىنشا 340 ادام جولداندى.
II باعىت بويىنشا 355 ازاماتتى كاسىپكەرلىك نەگىزدەرىنە وقىتۋ جوسپارلانعان، 10 ايدا 156 ازامات وقىتىلىپ، سەرتيفيكات العان. ءوز ءىسىن اشۋ جانە كەڭەيتۋ ءۇشىن 47 ازاماتقا شاعىن نەسيە بەرۋ جوسپارلانىپ، جىل باسىنان 68 ادام نەسيەمەن قامتىلعان.
III باعىت بويىنشا ەسەپتى مەرزىمدە 3136 ادام تۇراقتى جانە ۋاقىتشا جۇمىسپەن قامتىلدى (جىلدىق جوسپار 3749)، 291 ازامات الەۋمەتتىك جۇمىس ورىندارىنا (جىلدىق جوسپار 200)، «جاستار پراكتيكاسىنا» 460 ازامات (جىلدىق جوسپار 315)، اقىلى قوعامدىق جۇمىسقا 382 ادام (جىلدىق جوسپار 230) جولداندى.
باعدارلاما بويىنشا جۇمىسسىزداردى جۇمىسپەن قامتۋ شارالارىنا قاتىستىرۋ ناتيجەسىندە جۇمىسسىزدىق دەڭگەيى جوسپارلانعان 5،4%-دان ناقتى 5،2 %-عا بولىپ، وبلىستىق دەڭگەيدەن اسپاعان.
