باسقارما تاراپىنان عيماراتتاردىڭ توتەنشە جاعدايلارعا دايىندىعى، ىشكى ورتكە قارسى سۋ قۇبىرلارىنىڭ جاعدايى، ازاماتتاردى كوشىرۋ جولدارى، ءورت ءسوندىرۋ دابىل قاققىش جانە قۇلاقتاندىرۋ سىندى جۇيەلەرى تەكسەرىلگەن. ناتيجەسىندە شىمكەنت قالاسىنداعى بىرنەشە عيماراتتا قاۋىپسىزدىك شارالارى ساقتالماعان. ولار: «ياسساۋي»، «Royal Park» جانە «بييك» تۇرعىن ءۇي كەشەندەرى. اتالعان نىساندارعا ايىپپۇل سالىنىپ، ەسكەرتۋ بەرىلگەن. اتالعان نىسانداردا بۇگىنگى تاڭدا قاتەلىكتەر تۇزەتىلگەن. وزگە دە عيماراتتاردىڭ ۇجىمىنا توتەنشە جاعدايلاردى الدىن الۋ بويىنشا ءتۇسىندىرۋ جۇمىستارى جۇرگىزىلگەن.
«ماسەلەن «ياسساۋي» تۇرعىن ءۇي كەشەنىنە قىزمەت كورسەتەتىن ۇيىمنىڭ كەلىسۋىمەن ورت-تاكتيكالىق وقۋ-جاتتىعۋىن جۇرگىزدىك. وقۋ-جاتتىعۋ كەزىندە، جوعارى قاباتتى عيماراتتاردا ءورت ءسوندىرۋ داعدىلارى، ادامداردى ءقاۋىپسىز جەرلەرگە كوشىرۋ ادىستەرى جانە باسقا ءتيىستى قىزمەتتەرمەن ءوزارا ءىس-قيمىل جاساۋ اتقارىلدى»، - دەيدى باۋىرجان شىرىنبەك ۇلى.
جالپى اسا بيىك عيماراتتاردىڭ 72ء-سىنىڭ 6-ۋىندا عانا قىزمەت كورسەتەتىن ۇيىمدار بار. قالاداعى ءبىرقاتار مولتەك اۋدانداردا تۇرعىن ءۇي مەنشىگىنىڭ كووپەراتيۆتەرى مەن كوندومينيۋم سۋبەكتىلەرى قۇرىلماعان. بۇل ماسەلەلەر نىسانداردا ءورت قاۋىپسىزدىگىن باقىلاۋدى قيىنداتىپ وتىر.
وقو اكىمدىگى باسپا ءسوز قىزمەتى
