Biik ǵimarattar tekserýden ótti
Basqarma tarapynan ǵimarattardyń tótenshe jaǵdailarǵa daiyndyǵy, ishki órtke qarsy sý qubyrlarynyń jaǵdaiy, azamattardy kóshirý joldary, órt sóndirý dabyl qaqqysh jáne qulaqtandyrý syndy júieleri tekserilgen. Nátijesinde Shymkent qalasyndaǵy birneshe ǵimaratta qaýipsizdik sharalary saqtalmaǵan. Olar: «Iassaýi», «Royal Park» jáne «BIIK» turǵyn úi keshenderi. Atalǵan nysandarǵa aiyppul salynyp, eskertý berilgen. Atalǵan nysandarda búgingi tańda qatelikter túzetilgen. Ózge de ǵimarattardyń ujymyna tótenshe jaǵdailardy aldyn alý boiynsha túsindirý jumystary júrgizilgen.
«Máselen «Iassaýi» turǵyn úi keshenine qyzmet kórsetetin uiymnyń kelisýimen órt-taktikalyq oqý-jattyǵýyn júrgizdik. Oqý-jattyǵý kezinde, joǵary qabatty ǵimarattarda órt sóndirý daǵdylary, adamdardy qaýipsiz jerlerge kóshirý ádisteri jáne basqa tiisti qyzmettermen ózara is-qimyl jasaý atqaryldy», - deidi Baýyrjan Shyrynbekuly.
Jalpy asa biik ǵimarattardyń 72-siniń 6-ýynda ǵana qyzmet kórsetetin uiymdar bar. Qaladaǵy birqatar móltek aýdandarda turǵyn úi menshiginiń kooperativteri men kondominiým sýbektileri qurylmaǵan. Bul máseleler nysandarda órt qaýipsizdigin baqylaýdy qiyndatyp otyr.
OQO ákimdigi baspasóz qyzmeti
