بيبوسىنوۆ چەمپيون, ساپارباي قولا جٷلدەگە قول جەتكٸزدٸ
تٷركٸستاندىق بوكسشى سەكەن بيبوسىنوۆ سەربييادا ٶتكەن حالىقارالىق Belgrade Winner تۋرنيرٸنٸڭ جەڭٸمپازى اتاندى. ول وليمپيادا ليتسەنزيياسىنىڭ يەگەرٸ 52 كەلٸگە دەيٸنگٸ سالماقتا فينالدا قىرعىزستاندىق ازات ٷسەناليەۆتٸ جەڭدٸ, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
Əلەمنٸڭ تٷكپٸر-تٷكپٸرٸنەن كەلگەن ازۋلى بىلعارى قولعاپ شەبەرلەرٸ اراسىندا ٶتكەن جەكپە-جەكتە قازاقستاننىڭ نامىسىن قورعاعان تٷركٸستاندىق ساكەن بيبوسينوۆ جەڭٸستٸڭ شىڭىن باعىندىرىپ, تۋرنيردٸڭ جەڭٸمپازى اتاندى.
جەرلەسٸمٸز رينگتە بارلىق قارسىلاستارىن تٸزە بٷكتٸرٸپ, التىن مەدال يەلەندٸ. حالىقارالىق تۋرنير – توكيو وليمپياداسى قارساڭىندا تارتىستى ٶتكەن تۋرنيرلەردٸڭ بٸرٸ. Əلەم بويىنشا ەڭ جۇدىرىقتى بوكسشىلاردىڭ تٶرتجىلدىقتىڭ باستى دوداسىنا ساناۋلى كٷندەر قالعاندا تاعى دا بٸر ٶزدەرٸنٸڭ شەبەرلٸكتەرٸن كٶرسەتكەن دودا بولدى.
بەلگراد قالاسىندا اياقتالعان حالىقارالىق تۋرنيردە +91 كگ سالماقتا شارشى الاڭعا شىعاتىن, اسا اۋىر سالماقتاعى تٷركٸستان وبلىسىنىڭ بوكسشىسى نۇرلان ساپارباي قولا جٷلدەگەر اتاندى. بۇل بوكس بəسەكەسٸندە ەرلەر 8 سالماق بويىنشا, ال əيەلدەر 10 سالماق بويىنشا جۇدىرىقتاستى.
