ق ر مادەنيەت جانە اقپارات مينيسترلىگىنىڭ قولداۋىمەن بۇۇ حالىقارالىق ەرىكتىلەردى قابىلدايدى، دەپ حابارلايدى Dalanews.kz.
ۆولونتەرلەر ۇزارتۋ مۇمكىندىگى بار 1 جىلدىق كەلىسىم-شارتپەن كەنيا، تايلاند جانە تۇركياداعى بۇۇ-نىڭ ءارتۇرلى قۇرىلىمدىق بولىمشەلەرىنە جولدانادى. ءوتىنىش بەرۋشىلەردىڭ تاجىريبەسى مەن جاسىنا بايلانىستى جاستار جانە ماماندار ساناتىنداعى 7 پوزيسيا قولجەتىمدى. ۆولونتەرلەردى ىرىكتەۋ بويىنشا بارلىق راسىمدەر بۇۇە رەگلامەنتىنە سايكەس 14 اقپاندى قوسا العاندا جۇزەگە اسادى.
"2019 جىلى ق ر ۇكىمەتى مەن بۇۇ ەرىكتىلەر باعدارلاماسى اراسىندا قازاقستاندىق ۆولونتەرلەردىڭ بۇۇ حالىقارالىق ۆولونتەرلەرى رەتىندە قاتىسۋىن كوزدەيتىن كەلىسىم جاسالعان. باعدارلاما الەمدەگى تۇراقتى دامۋ ماسەلەلەرىن شەشۋدە جانە تۇراقتى دامۋ ماقساتتارىنا قول جەتكىزۋدە بۇۇ جۇيەسىنىڭ ءبىر بولىگى رەتىندە، قازاقستاندىق ەرىكتىلەردىڭ حالىقارالىق ارىپتەستەرىمەن ءبىلىم جانە تاجىريبە الماسۋ مۇمكىندىگىن قامتاماسىز ەتۋ ءۇشىن قۇرىلعان"، - دەپ جازدى مينيسترلىكتەن.
وسى ۋاقىت ىشىندە 7 قازاقستاندىق بۇۇ قۇرىلىمىنىڭ ءارتۇرلى بولىمشەسىندە وزدەرىنىڭ ۆولونتەرلىق قىزمەتىن جۇزەگە اسىردى. كەلىسىمشارتتارى اياقتالعاننان كەيىن 6 قازاقستاندىق ەرىكتى بۇۇ-نىڭ دۇنيە جۇزىندەگى بولىمشەلەرىندە جۇمىس ىستەۋگە شاقىرىلدى.
