الداعى بەس جىلدا جەردەگٸ ورتاشا تەمپەراتۋرا جاڭا رەكوردتار ورناتۋى مٷمكٸن. سينوپتيكتەردٸڭ بولجامىنشا, وسى كەزەڭدەگٸ جىلداردىڭ بٸرٸ سوڭعى كەمٸندە 70 جىلداعى ەڭ ىستىق ۋاقىت رەتٸندە تٸركەلەدٸ. ال ەڭ ىستىق جىل 2027 جىل بولۋى ىقتيمال. مۇنداي بولجامدى بۇۇ جانىنداعى دٷنيەجٷزٸلٸك مەتەورولوگييالىق ۇيىم (دمۇ) جارييالادى, دەپ حابارلايدى dalanews.kz.
ۇيىمنىڭ جاڭا ەسەبٸندە 2026-2030 جىلدار ارالىعىندا جەردٸڭ ورتاشا تەمپەراتۋراسى رەكوردتىق دەڭگەيگە جەتۋٸ مٷمكٸن ەكەنٸ ايتىلعان. مەتەورولوگتاردىڭ باعالاۋىنشا, وسى كەزەڭدەگٸ ورتاشا جىلدىق تەمپەراتۋرا 1850-1900 جىلدارداعى كٶرسەتكٸشتەن 1,3–1,9 گرادۋسقا جوعارى بولۋى ىقتيمال.
دمۇ مەلٸمەتٸنشە, جەردەگٸ ورتاشا تەمپەراتۋرانىڭ يندۋستريياعا دەيٸنگٸ كەزەڭمەن سالىستىرعاندا كەمٸندە 1,5 گرادۋسقا كٶتەرٸلۋ ىقتيمالدىعى 75 پايىزعا جەتكەن. بۇل شەك 2015 جىلعى پاريج كليماتتىق كەلٸسٸمٸ اياسىندا بەلگٸلەنگەن جاھاندىق جىلىنۋدىڭ ۇزاقمەرزٸمدٸ شەگٸ سانالادى.
سونداي-اق ەسەپتە 2026-2030 جىلدار ارالىعىنداعى جىلداردىڭ بٸرٸنٸڭ باقىلاۋ تاريحىنداعى ەڭ ىستىق جىل اتانۋ ىقتيمالدىعى 86 پايىز دەپ باعالانعان. بۇل جاعدايدا ول 2024 جىلعى رەكوردتان اسىپ تٷسۋٸ مٷمكٸن.
مەتەورولوگتاردىڭ بولجامىنشا, جاڭا رەكورد 2027 جىلى ورناۋى ىقتيمال. بۇعان ەل-نينو كليماتتىق قۇبىلىسىنىڭ ەسەرٸ سەبەپ بولۋى مٷمكٸن. بۇدان بٶلەك, الداعى بەس قىستا اركتيكاداعى تەمپەراتۋرا 1991-2020 جىلدارداعى ورتاشا كٶرسەتكٸشتەن شامامەن 2,8 گرادۋسقا جوعارى بولادى دەپ كٷتٸلۋدە.
ال سولتٷستٸك ەۋروپادا كەلەسٸ بەس جىلدا قىس ماۋسىمى ەدەتتەگٸدەن ىلعالدى بولۋى مٷمكٸن. ماماندار مۇنى ٶڭٸر ٷشٸن نەگٸزگٸ كليماتتىق قاۋٸپتەردٸڭ بٸرٸ دەپ باعالاپ وتىر, ٶيتكەنٸ بۇل سۋ تاسقىنى قاۋپٸن ارتتىرۋى ىقتيمال.
